كوروناۆيرۋس: قازاقستاننىڭ ەكى وبلىسى «قىزىل»، التى ءوڭىرى «سارى» ايماقتا

نۇر-سۇلتان. قازاقپارات - دەنساۋلىق ساقتاۋ مينيسترلىگى 6-اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.

6-اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ەكى وبلىسى «قىزىل» ايماقتا تۇر.

ولار: اقمولا، پاۆلودار وبلىستارى. «سارى» ايماقتا باتىس قازاقستانمەن قاتار نۇر-سۇلتان قالاسى، شىعىس قازاقستان، قوستاناي، اتىراۋ، قاراعاندى، سولتۇستىك قازاقستان وبلىستارى بار.

قالعان وڭىرلەر مەن قالالار - «جاسىل» ايماقتا. ماتريتسا قازاقستاننىڭ «سارى» ايماقتان «جاسىل» ايماققا وتكەنىن كورسەتتى.

ەسكە سالساق، ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن. قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.