«ماسەلە شەشكىش» لاۋازىم يەلەرى كاسىپكەرلىككە قاتتى كەدەرگى كەلتىرىپ وتىر - انتيكور

نۇر-سۇلتان. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگى جەمقورلاردىڭ كاسىپكەرلىككە قاتتى كەدەرگى كەلتىرىپ وتىرعانىنا الاڭداۋشىلىق بىلدىرۋدە، دەپ حابارلايدى قازاقپارات ءتىلشىسى.

«كولىك باقىلاۋ ينسپەكتسياسىندا قىلمىستىق سحەمالاردى اشكەرەلەۋ جالعاسۋدا. مىسالى، الماتى وبلىسىندا وسى ۆەدومستۆو باسشىسىنىڭ ورىنباسارى جانتۇروۆ جۇيەلى نەگىزدە جۇك اۆتوكولىگىنىڭ كەدەرگىسىز وتكىزۋ ءۇشىن 50 مىڭنان 240 مىڭ تەڭگەگە دەيىنگى سومادا زاڭسىز سىياقى الىپ كەلگەن (سوت شەشىمىمەن 99 ميلليون تەڭگە ايىپپۇل تولەۋگە مىندەتتەلدى)»، - دەيدى اگەنتتىكتىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ونلاين باسپا ءسوز ءماسليحاتىندا.

ونىڭ ايتۋىنشا، كەيبىر لاۋازىمدى قىزمەتكەرلەر كاسىپكەرلىك قىزمەتكە بارىنشا كەدەرگى كەلتىرەدى. «ماسەلەنى شەشەمىن» دەگەن جەلەۋمەن قامقورلىققا العان بولىپ كاسىپكەرلەردەن پارا الادى.

«ماسەلەن، پاۆلودار وبلىسىندا وبلىستىق ت ج د ءورت قاۋىپسىزدىگىن باقىلاۋ باسقارماسىنىڭ باستىعى پودپولكوۆنيك يسكاكوۆ سوتتالدى. ول ءورت قاۋىپسىزدىگىن تەكسەرۋ بارىسىندا انىقتالعان بۇزۋشىلىقتار بويىنشا شارالار قابىلداماۋ ءۇشىن ساۋدا ءۇيىنىڭ وكىلىنەن 500 مىڭ تەڭگە مولشەرىندە پارا العان (5 ميلليون تەڭگە مولشەرىندە ايىپپۇلعا ىلىكتى)»، - دەيدى ول.

كاسىپكەرلىك قىزمەتكە زاڭسىز ارالاسۋ فاكتىلەرى دە تىيىلار ەمەس. ماسەلەن، الماتى وبلىسىندا «الماتىجوللابوراتوريا» رمم باسشىسى س. س. كەنجەعۇلعا پارا العانى جانە كاسىپكەرلىك قىزمەتكە زاڭسىز قاتىسقانى ءۇشىن 40 ميلليون تەڭگە كولەمىندە ايىپپۇل سالىنعان.