قاڭتاردا ازىق-تۇلىكتىڭ الەمدىك باعاسى كۇرت ءوستى
بۇل تۋرالى بەيسەنبى كۇنى ب ۇ ۇ- نىڭ ازىق-تۇلىك جانە اۋىل شارۋاشىلىعى ساراپشىلارى (ف ا و) حابارلادى، دەپ جازادى قازاقپارات «ب ۇ ۇ جاڭالىقتارىنا» سىلتەمە جاساپ.
استىقتىڭ الەمدىك باعاسى ەڭ جوعارى - 7,1 پايىزعا كوتەرىلدى. بۇعان، ەڭ الدىمەن، جۇگەرىگە حالىقارالىق باعانىڭ كۇرت ءوسۋى ىقپال ەتتى - ول 11,2 پايىزعا ءوستى.
بۇل قىتايدان اۋقىمدى ساتىپ الۋ، ا ق ش- تاعى ءوندىرىس پەن قورلاردىڭ تومەندەۋى، سونداي- اق ارگەنتينادا جۇگەرى ەكسپورتىنا ليتسەنزيالاردىڭ ۋاقىتشا توقتاتىلۋى اياسىندا الەمدىك دەڭگەيدەگى ۇسىنىستىڭ ودان ءارى قىسقارۋىمەن تۇسىندىرىلەدى.
ءبيداي باعاسى الەمدىك سۇرانىستىڭ ارتۋىنا جانە رەسەي فەدەراتسياسىنىڭ ساۋدا كولەمىنىڭ بولجامدى تومەندەۋىنە بايلانىستى 6,8 پايىزعا ءوستى. ر ف- دا 2021-جىلدىڭ ناۋرىزىنان باستاپ ءبيداي ەكسپورتىنا باج سالىعى ەكى ەسە ارتادى. سونداي-اق ف ا و ەۋروپالىق وداقتا، رەسەيدە جانە تايلاندتا جەتكىزىلىمنىڭ تومەندەۋىنە جانە وڭتۇستىك امەريكاداعى قۇرعاق اۋا رايىنا بايلانىستى جوعارى الەمدىك يمپورتتىق سۇرانىس پەن الاڭداۋشىلىق اياسىندا قانت باعاسىنىڭ 8,1 پايىزعا وسكەنىن حابارلادى.
ف ا و مالىمەتتەرى بويىنشا ءسۇت جانە ەت ونىمدەرىنىڭ باعا يندەكسى تيىسىنشە 1,6 پايىزعا جانە 1 پايىزعا ءوستى.