ءبىر توپ قازاقستاندىق سيريادان وتانىنا ورالدى
ق ر س ى م- نەن ءمالىم ەتكەندەي، توپ قۇرامىندا 4 ەر ادام، 1 ايەل جانە 7 بالا (2-ەۋى - جەتىم) بولدى.
«ۇلتتىق زاڭناماعا جانە حالىقارالىق مىندەتتەمەلەرگە سايكەس، تەرروريستىك ءىس- ارەكەتكە قاتىسقان ادامدار قىلمىستىق جاۋاپكەرشىلىككە تارتىلادى. جەتىم بالالار جاقىن تۋىستارىنىڭ قامقورلىعىنا بەرىلەدى جانە مەملەكەت تاراپىنان ولارعا بارلىق قاجەتتى كومەك كورسەتىلەدى. ايەلدەر مەن بالالار وڭالتۋ جانە قايتا الەۋمەتتەندىرۋ باعدارلامالارىمەن قامتاماسىز ەتىلەدى»، - دەدى مينيسترلىكتەن.
تەرروريستىك ارەكەتتەر بەلسەندى جۇرگىزىلىپ جاتقان ايماقتاردان ازاماتتارىمىزدى قايتارۋ وپەراتسياسىن قازاقستان پرەزيدەنتى قاسىم- جومارت توقايەۆ سانكسيالاعان جانە ول تۇڭعىش پرەزيدەنت - ەلباسى نۇرسۇلتان نازاربايەۆ باستاعان «جۋسان» وپەراتسياسىنىڭ جالعاسى بولىپ تابىلادى.
ەسكە سالايىق، «جۋسان» گۋمانيتارلىق وپەراتسياسىنىڭ ءتورت كەزەڭى بىلتىرعى اقپان ايىندا قورىتىندىلانعان بولاتىن.
«2019 -جىلى ق ر ۇلتتىق قاۋىپسىزدىك كوميتەتىنىڭ ۇيلەستىرۋىمەن سيريادان 595 قازاقستان ازاماتى قايتارىلدى. وپەراتسيانىڭ ءبىرىنشى كەزەڭىندە 47 ادام، ونىڭ ىشىندە 6 ەر ادام، 11 ايەل جانە 30 بالا، ەكىنشى كەزەڭىندە 231 ادام، ونىڭ ىشىندە 16 ەر ادام، 59 ايەل جانە 156 بالا (18 جەتىم)، ءۇشىنشى كەزەڭىندە 246 ادام، ونىڭ ىشىندە 8 ەر ادام، 67 ايەل جانە 171 بالا (9 جەتىم)، ءتورتىنشى كەزەڭىندە 71 ادام، ونىڭ ىشىندە 3 ەر ادام، 19 ايەل جانە 49 بالا (5 جەتىم) ەلگە جەتكىزىلدى. وسىلايشا، جالپى سيريادان قايتارىلعاندار سانى - 595 ازامات (33 ەر ادام، 156 ايەل، 406 بالا (32 جەتىم)»، - دەگەن بولاتىن ق ر ۇلتتىق قاۋىپسىزدىك كوميتەتىنەن.
ەلگە قايتارىلعان بارلىق ايەل مەن بالا وڭالتۋ جانە بەيىمدەۋ كۋرسىنان وتكەن. تەررروريستىك ۇيىمداردىڭ ارەكەتىنە قاتىسقانى ءۇشىن 31 ەر ادام مەن 12 ايەل سوتتالعان. تاعى 14 ادام تەرگەلىپ جاتىر.