«زاڭ جوباسىن قاراستىرىلىپ وتىرعان نورمالار عىلىم سالاسىن ارى قاراي دامىتۋعا ۇلكەن ۇلەس قوسادى دەپ كۇتىلۋدە. سونىڭ ىشىندە عىلىم سالاسىنداعى ناقتى ەنگىزىلىپ وتىرعان زاڭ نورماسىندا وزگەرىستەر، ونىڭ ىشىندەگى ناقتى عىلىمي كەڭەستەردىڭ جۇمىسىن ۇيلەستىرۋگە، ودان كەيىن ۇلتتىق عىلىمي ساراپتاما ورتالىعىنىڭ اشىقتىعىن قامتاماسىز ەتۋگە، عىلىم سالاسىنا بولىنگەن قاراجاتتىڭ اشىقتىعى مەن تيىمدىلىگىن قامتاماسىز ەتۋگە باعىتتالعان نورمالار بار»، - دەدى شولپان قارينوۆا عىلىم جونىندەگى زاڭ جوباسى تالقىلانعان سەنات وتىرىسىندا.
ۆيتسە-مينيستر سونداي-اق عىلىم سالاسىن قارجىلاندىرۋ جونىندەگى پرەزيدەنت ءتيىستى تاپسىرما بەرگەنىن ايتىپ ءوتتى.
«2020 -جىلى 2019 -جىلمەن سالىستىرعاندا قارجىلاندىرۋ 42 پايىزعا ۇلعايتىلدى. ال بيىل 2021 -جىلى بۇل كورسەتكىش تاعى 17 پايىزعا ۇلعايتىلعانىن كورىپ وتىرمىز. سونىمەن قاتار مەملەكەت باسشىسى قارجىلاندىرۋدى جەر قويناۋىن پايدالانۋشىلاردىڭ ەسەبىنەن 1 پايىزعا ارتتىرۋ جونىندەگى تاپسىرما بەرگەن. ياعني، الداعى ۋاقىتتا عىلىم تەك مەملەكەتتىك بيۋدجەتتەن ەمەس، جەر قويناۋىن پايدالانۋشىلار ارقىلى دا قارجىلاندىرىلادى»، - دەدى ول.