كۇشتى جەل، تۇمان، كوكتايعاق: سارسەنبىگە ارنالعان اۋا رايى بولجامى
سولتۇستىك- باتىس تسيكلونى قازاقستان تەرريتورياسى ارقىلى تەز جىلجي وتىرىپ، ەلىمىزدىڭ سولتۇستىك بولىگىندە قار مەن جاڭبىر جاۋعىزادى. سونداي-اق تەرىسكەيدە كوكتايعاق بولادى، جەل كۇشەيىپ، اۋا تەمپەراتۋراسى جوعارىلايدى.
ال رەسپۋبليكانىڭ وڭتۇستىك بولىگى جوعارى قىسىم اۋماعىندا ورنالاساتىندىقتان جاۋىن جاۋمايدى.
رەسپۋبليكانىڭ كەي جەرلەرىندە تۇمان تۇسەدى. سولتۇستىك قازاقستان وبلىسىندا كەي جەرلەردە تۇمان تۇسەدى، جاياۋ بۇرقاسىن سوعادى. كوكتايعاق بولادى. ءوڭىردىڭ باسىم بولىگىندە جەل ەكپىنى - 23 م/س.
اقمولا، قوستاناي وبلىستارىندا - تۇمان، جاياۋ بۇرقاسىن، كوكتايعاق بولادى. تۇندە جەلدىڭ ەكپىنى 23-28 م/س جەتەدى.
پاۆلودار وبلىسىندا كەي جەرلەردە تۇمان تۇسەدى، جاياۋ بۇرقاسىن سوعىپ، كوكتايعاق بولادى. تۇندە كەي جەرلەردە، كۇندىز ايماقتىڭ باسىم بولىگىندە جەل جىلدامدىعى - 23 م/س.
شىعىس قازاقستان وبلىسىنىڭ كەي جەرلەرىندە تۇمان ءتۇسىپ، بۇرقاسىن سوعادى. كوكتايعاق. جەل قارقىنى كۇندىز 25 م/س دەيىن كۇشەيەدى.
قاراعاندى وبلىسىندا كەي جەرلەردە تۇمان ءتۇسىپ، جەل ەكپىنى 15-20 م/س جەتەدى. كۇندىز كوكتايعاق بولادى. تاۋلىك بويى باتىس قازاقستان، اقتوبە وڭىرلەرىندە، تۇندە جانە تاڭەرتەڭ الماتى وبلىسىندا كەي جەرلەردە تۇمان، كوكتايعاق بولادى.
جامبىل، تۇركىستان، قىزىلوردا، ماڭعىستاۋ، اتىراۋ وبلىستىرىندا كەي جەرلەردە تۇمان تۇسەدى.