نۇر- سۇلتاندا كارانتينگە قاتىستى جاڭا قاۋلى شىقتى

نۇر- سۇلتان. قازاقپارات - ەلوردانىڭ باس سانيتارلىق دارىگەرى سارحات بەيسەنوۆانىڭ كارانتين جونىندەگى جاڭا قاۋلىسى شىقتى، دەپ حابارلايدى قازاقپارات نۇر- سۇلتان اكىمدىگىنىڭ رەسمي سايتىنا سىلتەمە جاساپ.

جاڭا قاۋلى تالاپتارىنا سايكەس، ويىن- ساۋىق، سپورتتىق جانە باسقا دا بۇقارالىق ءىس- شارالاردى، سونداي- اق وتباسىلىق، ەسكە الۋ ءىس- شارالارىن، ونىڭ ىشىندە ۇيدە (بانكەتتەر، ۇيلەنۋ تويلارى، مەرەيتويلار، ەسكە الۋ)، ميتينگىلەر، شەرۋلەر، جيىندار جانە ت. ب. وتكىزۋگە تىيىم سالىنعان. مىندەتتى تۇردە 2 مەتردەن كەم ەمەس الەۋمەتتىك قاشىقتىقتى ساقتاي وتىرىپ، جەكە تارتىپپەن جانە 5 ادامنان اسپايتىن توپپەن تەك اشىق اۋادا سپورتتىق جاتتىعۋلار وتكىزۋگە رۇقسات. ءبىر وتباسى مۇشەلەرىنەن نەمەسە 3 ادامنان اسپايتىن توپتاردان باسقا، تابيعاتقا ەكسكۋرسيالىق، كورپوراتيۆتىك، توپتىق شىعۋلاردى ۇيىمداستىرۋعا جانە قالانىڭ كورىكتى جەرلەرىنە شولۋ جاساۋعا تىيىم سالىنادى.

قىزمەتى جاڭارتىلماعان وبەكتىلەرگە: بيليارد، كاراوكە، بوۋلينگ- ورتالىقتارعا، باتۋتتار، كومپيۋتەرلىك كلۋبتارعا، تۇنگى كلۋبتارعا، بۋكمەكەرلىك كەڭسەلەر مەن ويىن كلۋبتارىنا، ونىڭ ىشىندە لوتەرەيا ۇتىستارىنا، جابىق عيماراتتارداعى ويىن الاڭدارى مەن اتتراكتسيوندارعا، سپورتتىق وبەكتىلەردە ورنالاسقانداردى قوسپاعاندا، ونىڭ ىشىندە مۇزدى جانە روليكتى سىرعاناقتارعا بارۋعا تىيىم سالىنادى.

65 جاستان اسقان ادامداردىڭ قالا جانە قوعامدىق ورىندار بويىنشا ءجۇرىپ- تۇرۋى شەكتەلەدى. قوعامدىق ورىندارعا، ونىڭ ىشىندە قالالىق قوعامدىق كولىكتەرگە، قىزمەتىنە رۇقسات ەتىلگەن وبەكتىلەرگە بارعان كەزدە، سونداي- اق قوعامدىق ورىنداردا اشىق اۋادا بولعان كەزدە (اشىق اۋادا سپورتپەن شۇعىلدانۋ كەزىندە جانە 5 جاسقا دەيىنگى بالالاردى قوسپاعاندا) بەتپەردە كيۋ، قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتاردى قاتاڭ ساقتاۋ كەرەك.