عالىمدار جەرورتا تەڭىزىندەگى سوڭعى 160 مىڭ جىلدى قامتيتىن شوگىندى ۇلگىلەرىن تالداپ، وسى كەزەڭدە بولعان كليماتتىڭ وزگەرۋىن مودەلدەدى. تەڭىز تۇبىندەگى شوگىندى قاباتتاردا افريكا كونتينەنتىندە وسىرىلگەن وسىمدىكتەردىڭ قالدىقتارى مەن ەجەلگى مولليۋسكالار قابىعى بار.
جەر وربيتاسىنداعى كىشىگىرىم وزگەرىستەر، پوليارلىق مۇز قالقاندارىنىڭ كولەمى ۇلعايۋى، كىشىرەيۋى ىلعالدى كەزەڭدەردىڭ ۇزاق قۇرعاقشىلىق كەزەڭدەرىمەن جانە قاتتى جاۋىن- شاشىن كەزەڭىمەن اۋىسىپ وتىرۋىنا اكەلىپ سوققانى انىقتالدى. ىلعال كەزەڭدەر ادەتتە 5 مىڭ جىلعا سوزىلعان، ال وسىمدىكتەردىڭ وسۋىنە ارنالعان قۇنارلى جاعدايلار سولتۇستىك افريكادان جەرورتا تەڭىزىنىڭ جاعالاۋىنا دەيىنگى اۋماقتى قامتىعان.
كليماتتىڭ وزگەرۋى ادامداردىڭ ومىرىندە دە كۇرت وزگەرىستەرگە اكەلىپ، ساحارا ءشولىنىڭ پايدا بولۋىنا سەبەپ بولعان. ساراپشىلاردىڭ ايتۋىنشا، ءشولدىڭ قاتال كليماتى مەن قۇرعاقشىلىعىنا قاراماستان، 15 مىڭ جىلدان كەيىن ساحارا قايتادان جاسىل جەلەك جامىلعان ايماققا اينالادى.
massaget.kz