ماعزۇم مىرزاعاليەۆ:بيىل ەلىمىزدە سۋ تاپشىلىعى بولۋى مۇمكىن

نۇر- سۇلتان. قازاقپارات – ق ر پرەزيدەنتى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قاسىم- جومارت توقايەۆقا ەكولوگيا، گەولوگيا جانە تابيعي رەسۋرستار مينيسترلىگىنىڭ وتكەن جىلعى جۇمىسىنىڭ نەگىزگى ناتيجەلەرى، سونداي- اق، الداعى ۋاقىتتاعى جوسپارلارى تۋرالى باياندالدى.

ماعزۇم مىرزاعاليەۆ مەملەكەت باسشىسىنا بيىلعى وسىمدىك وسەتىن كەزەڭدى سۋمەن قامتاماسىز ەتۋ ماسەلەلەرى جايىندا ايتتى. ءمينيستردىڭ ايتۋىنشا، بيىل قاردىڭ از تۇسۋىنە بايلانىستى ەلىمىزدە سۋ تاپشىلىعى بولۋى مۇمكىن. بۇل رەتتە پرەزيدەنت سۋ ارنالارىن تسيفرلاندىرۋ جونىندەگى جۇمىستىڭ ماڭىزدىلىعىن اتاپ ءوتتى. الداعى 5 جىل ىشىندە بۇكىل رەسپۋبليكا بويىنشا 119 ارنانى سيفرلاندىرۋ قاجەت. قاسىم- جومارت توقايەۆقا بالىق شارۋاشىلىعىن دامىتۋدىڭ 2030 -جىلعا دەيىنگى باعدارلاماسى جۇزەگە اسىرىلا باستاعانى جايىندا ايتىلدى. ماعزۇم مىرزاعاليەۆتىڭ پىكىرىنشە، 10 جىل ىشىندە بالىق ءوندىرىسىن 9 مىڭنان 270 مىڭ تونناعا دەيىن ارتتىرۋعا مۇمكىندىك بار. سونىمەن قاتار پرەزيدەنتكە گەولوگيالىق بارلاۋ، ەكولوگيالىق تۋريزم جانە ۇلتتىق پاركتەردىڭ جاي- كۇيى تۋرالى اقپارات بەرىلدى. كەزدەسۋ سوڭىندا مەملەكەت باسشىسى ەكولوگيا، گەولوگيا جانە تابيعي رەسۋرستار مينيسترىنە ءبىرقاتار ناقتى تاپسىرما بەردى.