قىتايدىڭ سىرتقى ىستەر مينيسترلىگى قازاقستانعا رەسمي حات جولدادى
قازىر ەكى ەل اراسىنداعى «نۇر- جولى» وتكىزۋ بەكەتىندەگى ەلەكتروندى كەزەكتە 8 مىڭنان استام جۇك كولىگى تۇرعان كورىنەدى.
قىس پەن كوكتەم مەزگىلىندە قىتايمەن شەكاراداعى وتكىزۋ بەكەتىندە كارانتيندىك شەكتەۋ تالاپتارى ساقتالادى. قىتايدىڭ سىرتقى ىستەر مينيسترلىگى ءبىزدىڭ ەلدىڭ سىرتقى ىستەر مينيسترلىگىنە وسىنداي رەسمي حات جولدادى. ياعني ەكى ەل اراسىندا تاۋار تاسىمالىمەن اينالىساتىن كاسىپكەرلەردىڭ ۇزىن- سونار كەزەك كۇتۋدەن باسقا امالى جوق. قازىردىڭ وزىندە ولاردىڭ قىزمەتىنە شاعىم كوبەيگەن. سەبەبى كۇتكەن زات مەجەلى ۋاقىتتا كەلمەي جاتىر. بۇگىندە «نۇر- جولى» وتكىزۋ بەكەتىندەگى ەلەكتروندى كەزەكتە 8 مىڭنان استام جۇك كولىگى تۇر. ونىڭ 600 دەيىنە تاۋار تيەلگەن.
مامانداردىڭ ايتۋىنشا، وتكىزۋ بەكەتىندە ءاربىر جۇك كولىگىن دەزينفەكسيالاپ، تەرميالىق وڭدەۋگە 1 جارىم ساعات كەتەدى. ۆاگون نەمەسە كونتەينەرگە 2-6 ساعات جۇمسالادى. سىرتقى ساۋدا پالاتاسىنىڭ مالىمەتىنە قاراعاندا تاۋاردى كەش جەتكىزگەنى ءۇشىن جۇك تاسىمالىمەن اينالىساتىن كومپانيانىڭ ۇستىنەن 6 مىڭداي شاعىم تۇسكەن.
ايتا كەتەيىك، قىتاي تارابى شەكارادان قاپتاعى بيدايدى كرگىزۋگە تىيىم سالماق. رەسەيلىكتەر استىقتى كونتەينەرمەن تاسىپ جاتىر ءدال وسىنداي تىيىم رەسەيلىك كاسىپكەرلەر ءۇشىن دە ەنگىزىلگەن. قاپتاعى استىق قىتايعا كىرگىزىلمەيدى. مۇنداي شەشىم كارانتيندىك شەكتەۋلەر اياسىندا قابىلدانعان. ياعني تاۋارعا ادام قاتىناسىن ازايتۋ ءۇشىن ۇلكەن كونتەينەرگە تيەلۋى ءتيىس. سوعان بايلانىستى رەسەيلىك كاسىپكەلەر استىقتى كونتەينەرمەن تاسۋعا ءماجبۇر. ال وعان شاماسى جەتپەگەندەر بالاما جولداردى تاڭداعان. ياعني تاۋارىن سۋ ايلاقتارىنا جەتكىزىپ، پورت ارقىلى ەكسپورتتاپ جاتىر.
www.24.kz