بۇل تۋرالى قالالىق قوعامدىق دەنساۋلىق ساقتاۋ باسقارماسىنان ءمالىم بولدى، دەپ حابارلايدى قازاقپارات.
ءبىرىنشى كەزەڭدە ەكپە الۋشىلاردىڭ العاشقىلارى بولىپ قالالىق اۋرۋحانالاردىڭ، قالانىڭ جۇقپالى اۋرۋلار ورتالىعىنىڭ مەديتسينالىق قىزمەتكەرلەرى، جەدەل جاردەم بريگاداسىنىڭ فەلدشەرلەرى بولدى. ەمحانا بريگادىسىنىڭ فەلدشەرى ۆاكسيناتسيا تۋرالى پىكىرىمەن ءبولىسىپ، ۆاكسيناتسيادان كەيىن ءوزىن قالاي سەزىنەتىنىن ايتتى.
«ۆاكسيناتسيادان كەيىن ەشبىر جەرىم مازالاعان جوق، باستىڭ اينالۋى نەمەسە جۇرەك اينۋى بايقالعان جوق. مەن ءوزىمدى وتە جاقسى سەزىنىپ تۇرمىن. ەكپە سالدىرتۋدى شەشكەن سەبەبىم، ويتكەنى مەن پاتسيەنتتەرمەن تىعىز قارىم- قاتىناستا جۇمىس ىستەيمىن، ءتۇرلى شاقىرتۋلارعا شىعامىن»، - دەدى فەلدشەر ەرسۇلتان ۇسەن ۇلى.
قاينار فارحاد ۇلى، قالالىق №9-ەمحانانىڭ سۇزگى- كابينەتىنىڭ دارىگەرى كۇنىنە 250 گە دەيىن ادام جەدەل رەسپيراتورلىق ۆيرۋستىق ينفەكسيالار مەن سۋىق تيۋ بەلگىلەرىمەن كەلەتىنىن جانە ولاردى قابىلدايتىنىن ايتتى.
«ءبىراق تەست جۇرگىزىلگەنگە دەيىن، كەيبىرەۋلەرىندە كوروناۆيرۋستىق ينفەكسيا جوق دەپ ناقتى ايتۋ مۇمكىن ەمەس. ۆاكسيناتسيا، ەڭ الدىمەن، مەنى اۋىرىپ قالۋدان قورعايدى. قازىر ۆاكسيناتسيادان كەيىن ءوزىمدى جاقسى سەزىنەمىن»، - دەيدى دارىگەر.
جالپى، ەلوردادا 6300 مەديتسينالىق قىزمەتكەر ك ۆ ي ينفەكسياسىنا قارسى ۆاكسيناتسيادان وتەدى. تىزىمدەر مامانداردىڭ ەرىكتى كەلىسىمى بويىنشا جاسالعانىن اتاپ وتەمىز.
ەستەرىڭىزگە سالا كەتەيىك، ۆاكسيناتسيا 2 كەزەڭمەن جۇزەگە اسىرىلادى، الدىمەن ءبىرىنشى كومپونەنت 0,5 مل مولشەرىندە، سودان كەيىن ەكىنشى كومپونەنت سول دوزادا 0,5 م ل (21 - 42 كۇننەن كەيىن) سالىنادى. 21 كۇننەن كەيىن ۆاكسيناتسيا العانداردى ەكىنشى كەزەڭگە شاقىرادى.
اۆتور: رۋسلان عابباسوۆ