ەلوردا تۇرعىنىن قوناققا كەلگەن تانىسى توناپ كەتتى
ەلوردا پوليتسياسى جەدەل ىزدەۋ ءىس- شاراسى بارىسىندا بۇرىن سوتتالعان 28 جاستاعى شىعىس قازاقستان وبلىسىنىڭ تۋماسىن ۇستادى، دەپ حابارلايدى قازاقپارات ءتىلشىسى.
نۇر- سۇلتان قالالىق پوليتسيا دەپارتامەنتىنىڭ مالىمەتىنشە، كۇدىكتى ەسكى تانىسىنىڭ ۇيىنە قوناققا كەلىپ، ونىمەن بىرگە سپيرتتىك ىشىمدىك ىشكەن. سودان كەيىن ول ۇيدەن شىعىپ بارا جاتىپ، زارداپ شەگۋشىنىڭ جالپى قۇنى 800 مىڭ تەڭگە تۇراتىن « Iphone 11 Pro Max «تەلەفونى مەن سومكەسىن ۇرلاپ كەتكەن.
«اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قىلمىسىن مويىنداپ، زاتتاي ايعاق تاركىلەندى. ونىڭ بۇعان دەيىن ەلوردا اۋماعىندا جاسالعان ءدال وسىنداي قىلمىستارعا قاتىسى تەكسەرىلىپ جاتىر. نۇر- سۇلتان قالالىق پوليتسيا دەپارتامەنتى ساق بولۋعا جانە قۇندى زاتتاردى قاراۋسىز قالدىرماۋعا شاقىرادى»، - دەپ اتاپ وتەدى ۆەدومستۆودان.