ەلىمىزدىڭ اۋە كۇشى زەنيتتىك زىمىران كەشەنىمەن تولىقتى

نۇر- سۇلتان. قازاقپارات - ەلىمىزدە اۋە شابۋىلىنا قارسى قورعانىس اسكەرلەرى «بۋك- م2» زەنيتتىك زىمىران كەشەنىمەن جاراقتالدى، دەپ حابارلايدى «حابار 24».

بۇل - اۋە نىسانالارىن ۇستاۋعا جانە جويۋعا ارنالعان قۇرال- جابدىقتار كەشەنى. مۇندا جارىقتاندىرۋ مەن باعىتتاۋ راديولوكاتورى، نىسانداردى انىقتاۋ ستانسياسى جانە كوماندالىق بەكەتتەر كىرەدى. بۇدان بولەك، تەكسەرۋ جۇمىسىنا ارنالعان قۇرىلعىلار دا بار.

نۇرلان ورمانبەتوۆ، ق ر ق ك ءا ق ك باس قولباسشىسى، اۆياتسيالىق گەنەرال- لەيتەنانتى:

- «بۋك- م2» ورتا قاشىقتىقتاعى اۋە شابۋىلىنا قارسى قورعانىس قۇرالدارى اراسىندا ءوزى تارىزدەس تەحنيكانىڭ ۇزدىگى دەپ اتاۋعا بولادى. جەتكىزىلگەن كەشەن اۋە كەڭىستىگىن جانە جاۋاپكەرشىلىك ايماعىنداعى ماڭىزدى وبەكتىلەردى قورعاۋ ءۇشىن اسكەرلەردىڭ جاۋىنگەرلىك مۇمكىندىكتەرىن ەداۋىر ارتتىرادى. سىناقتاردان كەيىن ول ەلدىڭ اۋە شابۋىلىنا قارسى قورعانىس جۇيەسىنە بىرىكتىرىلىپ، جاۋىنگەرلىك كەزەكشىلىككە تۇسەتىن بولادى.