باس سانيتار: ۆاكسينالاۋدان كەيىن كوپ جاعداي وزگەرۋى مۇمكىن
«ءبىز قازاقستاندا ەلدەن ۇشۋ ءۇشىن پ ت ر انىقتاماسىن سۇرامايمىز. بۇل ءسىزدىڭ قاي ەلگە ۇشىپ بارا جاتقانىڭىزعا بايلانىستى جانە ارينە، ءبىز ىقپال ەتە المايمىز»، - دەپ جاۋاپ بەردى ەرلان قياسوۆ №6 -قالالىق ەمحانادا تىلشىلەرگە بەرگەن سۇحباتىندا. ونىڭ ايتۋىنشا، ۆاكسينالاۋدان كەيىن كوپ جاعداي وزگەرۋى مۇمكىن.
«ارينە، كوپ جاعداي وزگەرەدى، ويتكەنى كوپتەگەن ەلدەر ۆاكسينا العاندارعا قاتىستى قانداي دا ءبىر ەرەكشە رەجيم مۇمكىندىگىن قاراستىرىپ جاتىر. بۇل ماسەلە كۇن تارتىبىندە تۇر. وزدەرىڭىزگە ءمالىم، ۆاكسينالاۋدى ەلەكتروندى قاداعالاۋ ۇعىمىن - ەلەكتروندىق پاسپورتتى ەنگىزىپ جاتىرمىز. بۇل دەرەكتەر ۆاكسيناتسيا جۇرگىزۋ جولىن مونيتورينگىلەۋ ءۇشىن اقپاراتتىق جۇيەگە ورنالاستىرىلادى»، - دەپ اتاپ ءوتتى ە. قياسوۆ.
ەسكە سالا كەتسەك، ەلورداداعى №6 -قالالىق ەمحانادا ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتار دارىگەر ەرلان قياسوۆ پەن دەنساۋلىق ساقتاۋ ۆيتسە- ءمينيسترى اجار عينيات كوروناۆيرۋسقا قارسى ۆاكسينا سالدىردى. بۇگىن قازاقستاندا كوروناۆيرۋس ينفەكسياسىن جۇقتىرۋ جانە تاراتۋ تاۋەكەلى جوعارى ساناتتاردى كوروناۆيرۋسقا قارسى ۆاكسينالاۋ باستالدى. قازاقستاندا ۆاكسينا ەرىكتى تۇردە سالىنادى.
1 -اقپاننان باستاپ قازاقستاندا رەسەيدە شىعارىلعان «سپۋتنيك V» ۆاكسيناسىن پايدالانا وتىرىپ، ك ۆ ي- عا قارسى ۆاكسيناتسيا باستالادى. ودان كەيىن 15 -اقپاننان باستاپ، ۆاكسينالاۋ پروتسەسىنە قاراعاندى فارماتسيەۆتيكالىق كەشەنىنىڭ بازاسىندا وندىرىلگەن گام- كوۆيد- ۆاك ۆاكسيناسى قوسىلادى.