اقتوبەدە گرەك-ريم كۇرەسىنەن ەل بىرىنشىلىگى وتەدى

اقتوبە. قازاقپارات - اقتوبە قالاسىندا گرەك-ريم كۇرەسىنەن ەل بىرىنشىلىگى وتەدى.

ەپيدەميولوگتاردىڭ تالابى بويىنشا سپورت سارايىنا كورەرمەن كىرگىزىلمەيدى، دەپ حابارلايدى قازاقپارات ءتىلشىسى.

جەكپە-جەك سارايىندا وتەتىن ەل بىرىنشىلىگىنە 23 جاسقا تولماعان ەرەسەكتەر قاتىسادى. ءار وبلىس كومانداسىندا تەك 18 سپورتشى بولۋى ءتيىس. ولار 9 سالماق دارەجەسى بويىنشا باق سىنايدى.

«سپورتشى، جاتتىقتىرۋشى، تورەشىنىڭ بارلىعىندا پ ت ر انىقتاما بولۋى ءتيىس. ەگەر انىقتاما بولماسا، ولار چەمپيوناتقا قاتىستىرىلمايدى»، - دەدى وبلىستىق سپورت جانە دەنە شىنىقتىرۋ باسقارماسىنىڭ باسپا ءسوز قىزمەتكەرى ەرلان مۇقان.

كورەرمەن بولمايدى، ءبىراق ونلاين كورسەتىلەدى. جارىس 22-25- اقپان ارالىعىندا وتەدى.