فۋتبول: سامات سماقوۆ باپكەرلىك قىزمەتكە كەلدى

نۇر- سۇلتان. قازاقپارات - قازاقستان بەلگىلى فۋتبول مامانى سامات سماقوۆ شىمكەنتتىڭ «ورداباسى» كومانداسى باپكەرى قىزمەتىنە كەلدى، دەپ حابارلايدى قازاقپارات ءتىلشىسى.

سامات سماقوۆ 1978 -جىلى 8-جەلتوقساندا سەمەي قالاسىندا دۇنيەگە كەلگەن. فۋتبولشى مانسابىندا قازاقستاندىق «ەلىماي»، «ەرتىس»، «جەڭىس»، «قايرات»، «اقتوبە»، «ورداباسى»، رەسەيدىڭ «روستسەلماش»، تۇركيانىڭ «ريزەسپور» كوماندالارىندا ويناعان. ول ەلىمىزدە 6 دۇركىن چەمپيون اتاندى. ەكى مارتە قازاقستان كۋبوگىن الىپ، ءبىر مارتە سۋپەركۋبوكقا قول جەتكىزدى. ءتورت مارتە قازاقستاننىڭ ۇزدىك ويىنشىسى اتانعان.

قازاقستان ۇلتتىق قۇراماسى ساپىندا 76 ويىن ويىن وتكىزگەن، بۇل - ازىرگە رەكوردتىق كورسەتكىش. ايتا كەتەرلىگى، ول باس باپكەرگە كومەكشى قىزمەتىن اتقارادى. جاقىندا ول قىزمەتكە بەلارۋس مامانى الەكساندر سەدنيەۆ كەلگەن بولاتىن. س. سماقوۆ 2017 -جىلى UEFA- نىڭ ا ساناتىنىڭ دارەجەسىنە يە. ەسكە سالاكەتسەك، 2018 -جىلى «اقتوبە» فۋتبول كلۋبى سەنىمگەرلىك باسقارۋعا بەرىلىپ، سامات سماقوۆ كلۋبتى باسقاردى. 2019 -جىلدىڭ جەلتوقسان ايىندا سامات سماقوۆ «اقتوبە» فۋتبول كلۋبىنان كەتتى. 2020 -جىلى ماۋسىم ايىندا سامات سماقوۆ «تاراز» فۋتبول كلۋبىنىڭ ديرەكتورى قىزمەتىنە تاعايىندالادى» دەگەن اقپارات تاراپ، جامبىل وبلىسى اكىمدىگى بۇل اقپاراتتى جوققا شىعارعان ەدى.

اۆتور: ءادىلجان ۇمبەت