ەلوردادا قويما ورتەندى

نۇر- سۇلتان. قازاقپارات - ەلوردادا قويماداعى ءورت ءسوندىرىلدى، دەپ حابارلايدى قازاقپارات قالالىق ت ج د- نىڭ باسپا ءسوز قىزمەتىنە سىلتەمە جاساپ.

«ساعات 15:47 دە نۇر- سۇلتان قالاسى ت ج د ءورت ءسوندىرۋ بولىمشەلەرى جانىپ جاتقان ا-355 كوشەسىندەگى 2/1ب- نىسانىنا اتتاندى. ولار 14 مينۋتتا جەتتى، عيماراتتىڭ شاتىرىندا ەلەكتر كابەلدەرى مەن شاتىردىڭ جىلۋ ساقتاعىش ماتەريالى جانىپ جاتقانى انىقتالدى. بۇل نىسان ەكى بولىكتەن تۇرادى، ءبىرىنشىسى ەلەكتروۆوز جابدىقتارىن جوندەيتىن ءوندىرىس شەبەرحاناسى، ەكىنشى بولىگى - ەلەكتر كابەلدەرىن، قوزعالتقىشتاردى جانە ەلەكتر تەحنيكاسىن ساقتاۋعا ارنالعان قويما»، دەلىنگەن حابارلامادا.

قويماداعى ءورتتى سوندىرۋگە جەكە قۇرامنان 62 ادام جانە 14 تەحنيكا جۇمىلدىرىلدى. وقىس وقيعادان ەشكىم زارداپ شەكپەگەن. ءورت ساعات 17.52 دە تولىق ءسوندىرىلدى.