گەرمانيا جاڭا شتامم تىركەلگەن ەلدەرمەن اۋە قاتىناسىن توقتاتادى
مۋتاتسيالار بىرنەشە ەمحانا مەن بالاباقشادان انىقتالعان. وسىعان بايلانىستى گەرمانيا جاڭا شتامم تىركەلگەن ۇلى بريتانيا، وڭتۇستىك كورەيا جانە برازيليامەن اۋە قاتىناسىن توقتاتادى. جەرگىلىكتى اقپارات قۇرالدارىنىڭ حابارلاۋىنشا، شەكتەۋلەر كەلەسى اپتادا ەنگىزىلەدى.
باسقا حالىقارالىق رەيستەر سانى دا ەداۋىر قىسقارۋى مۇمكىن. ساراپشىلار دانيا، يرلانديا جانە يسپانيامەن اۋە قاتىناسى توقتاۋى مۇمكىن ەكەنىن ايتادى. قازىر بۇل ەلدەردە جاڭا شتامدار كەڭ تاراپ جاتىر.
حورست زەەحوفەر، گەرمانيانىڭ ىشكى ىستەر ءمينيسترى:
- بىزگە جالپى ەۋروپالىق نۇسقاۋ ءازىر بەرىلمەيتىن سياقتى. سوندىقتان جاڭا شارالار قابىلداۋعا دايىندالىپ جاتىرمىز. سونداي- اق ۇكىمەت دەڭگەيىندە كەڭەس ءجۇرىپ جاتىر. ءبىزدىڭ باستى ماقساتىمىز - ۆيرۋس مۋتاتسياسى شىققان ەلدەردەن كەلۋشىلەرگە شەكتەۋ قويۋ. ءبىراق ۆەنادان نەمىس شەكاراسىنا دەيىن ۇزىن- سونار كەزەك بولعانىن قالامايمىز. سوندىقتان ستاتسيونارلىق باقىلاۋ نىساندارى بولمايتىن شىعار. تەك ىرىكتەپ قانا تەكسەرۋىمىز مۇمكىن.