ق ر پرەزيدەنتىنىڭ بۇعان دەيىنگى تاپسىرماسىنا سايكەس، تولىعىمەن جانە ءىشىنارا جەكە باسەكەلى سەكتورعا بەرىلەتىن ءۇيىمداردىڭ ءتىزىمى 176 دان 736 عا دەيىن ۇزارتىلدى. باسەكەلى ورتاعا 5 تريلليون تەڭگەلىك اكتيۆتەردى بەرۋ ارقىلى مەملەكەتتىڭ ەكونوميكاعا ارالاسۋ كورسەتكىشىن 14 پايىزعا ازايتۋعا بولادى. ونىمەن قوسا، ستراتەگيالىق ينۆەستورلاردى تارتا وتىرىپ، جەكەشەلەندىرىلەتىن كومپانيالاردىڭ قىزمەتىنە ش و ب- تىڭ قولجەتىمدىلىگى ارتا تۇسەدى. مەملەكەت باسشىسى ەكونوميكاعا مەملەكەتتىڭ ارالاسۋ ۇلەسىن ازايتۋ جوسپارى تۋرالى ايتا كەلە، بۇدان بۇرىن وتكىزىلگەن كامپانيالاردان الىنعان تاجىريبەنى ەسكە سالدى. ول كامپانيالار بارىسىندا نىسانداردىڭ باسىم بولىگىن جەكەشەلەندىرۋ ماسەلەسى كەيىنگە اۋىستىرىلىپ، كەيبىرى ءتىپتى توقتاپ قالعان ەدى.
«جوسپار بويىنشا ناقتى جۇمىس ىستەۋ كەرەك. بۇل تۇرعىدا ۇكىمەتتىڭ قاتاڭ پوزيتسياسى بولعان دۇرىس. جەكەشەلەندىرۋ ءىسى جەكەلەگەن مونوپوليالاردى تۋدىرماۋى كەرەك. مۇنىڭ سوڭى قوعامنىڭ نارازىلىعىن تۋعىزادى. جەكەشەلەندىرۋ پروتسەسىنىڭ اشىقتىعى مەن ادىلەتتىلىگىن قامتاماسىز ەتۋ كەرەك»، - دەدى قاسىم- جومارت توقايەۆ.
ايتا كەتسەك بۇگىن اقوردادا مەملەكەت باسشىسى قاسىم- جومارت توقايەۆتىڭ توراعالىعىمەن رەفورمالار جونىندەگى جوعارعى كەڭەستىڭ ءۇشىنشى وتىرىسى ءوتتى. ءىس- شارانىڭ كۇنتارتىبىنە قازاقستان رەسپۋبليكاسىن 2025 -جىلعا دەيىن دامىتۋدىڭ ۇلتتىق جوسپارىن، مەملەكەتتىك جوسپارلاۋدىڭ جاڭا جۇيەسىن، 2030 -جىلعا دەيىن مەملەكەتتىك بسقارۋدى دامىتۋ تۇجىرىمداماسىن، 2021-2025 -جىلدارعا ارنالعان جەكەشەلەندىرۋ جوسپارىن ازىرلەۋ، سونىمەن قاتار شۇعىل رەفورمالار توپتاماسى مەن حالىقتىڭ ۇلتتىق ساناعىن وتكىزۋ ماسەلەلەرى كىردى.