ق ر قارۋلى كۇشتەرى توتەنشە جاعدايلاردى جويۋعا تارتىلادى
بۇل تۋرالى قازاقپارات ق ر ت ج م رەسمي وكىلى تالعات ۋاليگە سىلتەمە جاساپ حابارلايدى.
قازاقستان رەسپۋبليكاسى قورعانىس مينيسترلىگىندە توتەنشە جاعدايلار ءمينيسترى گەنەرال- مايور يۋري يلين مەن قورعانىس ءمينيسترى گەنەرال- لەيتەنانت نۇرلان ەرمەكبايەۆتىڭ كەزدەسۋى ءوتتى. ت ج م جانە قورعانىس مينيسترلىگىنىڭ باسشىلارى توتەنشە جاعدايدى الدىن الۋ جانە جويۋ بويىنشا ىنتىماقتاستىق ماسەلەلەرىن تالقىلادى. كەزدەسۋ بارىسىندا ت ج جويۋعا بايلانىستى مىندەتتەردى جەدەل شەشۋ ءۇشىن تابيعي جانە تەحنوگەندىك سيپاتتاعى ت ج قاۋپى جانە ونىڭ تۋىنداۋى كەزىندە قازاقستان رەسپۋبليكاسىنىڭ قارۋلى كۇشتەرىن قولدانۋ الگوريتمىن ازىرلەۋ تۋرالى ماسەلە قارالدى.
قازاقستان رەسپۋبليكاسىنىڭ تۇڭعىش پرەزيدەنتى- ەلباسى اتىنداعى ۇلتتىق قورعانىس ۋنيۆەرسيتەتىندە داعدارىس جاعدايلارىندا جەدەل ارەكەت ەتۋ جانە باسقارۋ تاكتيكاسى بويىنشا تولىق ءبىلىم الۋ ءۇشىن ت ج م باسقارۋ ورگاندارىنىڭ باسشى جانە عىلىمي - پەداگوگيكالىق قۇرامىن وقىتۋ ماسەلەلەرى تالقىلاندى. ۇلتتىق قورعانىس ۋنيۆەرسيتەتى بازاسىندا «ازاماتتىق قورعاۋ» كافەدراسىن قۇرۋ ماسەلەسى تالقىلاندى. ونىڭ قىزمەتىنە ت ج م ماماندارى تارتىلاتىن بولادى. قورعانىس مينيسترلىگىنىڭ جوعارى وقۋ ورىندارىندا رادياتسيالىق، حيميالىق جانە بيولوگيالىق قورعاۋ، سونداي - اق بايلانىستى ۇيىمداستىرۋ ماماندىعى بويىنشا قۇتقارۋشىلاردى دايارلاۋ جانە ولاردىڭ بىلىكتىلىگىن ارتتىرۋ جوسپاردا بار. ءوز كەزەگىندە ت ج م قارۋلى كۇشتەردىڭ ورتكە قارسى قىزمەتى اسكەري قىزمەتشىلەرىن ت ج م كوكشەتاۋ تەحنيكالىق ينستيتۋتىندا كۋرستىق دايارلىقتان وتكىزۋدى قامتاماسىز ەتۋدى جوسپارلاپ وتىر.