ەلوردادا تۇرمەگە جەتكىزىلگەن تورتتىڭ ىشىنەن ۇيالى تەلەفون تابىلدى
19:46, 29 - قاڭتار 2021
نۇر- سۇلتان. قازاقپارات - نۇر- سۇلتان قالاسىندا تۇزەۋ مەكەمەسىنە جەتكىزىلگەن تورتتىڭ ىشىنەن «توسىنسىي» تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.
نۇر- سۇلتان قالاسى قىلمىستىق- اتقارۋ جۇيەسى دەپارتامەنتىنە قاراستى ەتس-166/10 مەكەمەسىنىڭ تەكسەرۋ توبى جازاسىن وتەپ جاتقان سوتتالعان ازاماتقا جىبەرىلگەن سالەم- ساۋقاتتىڭ، اتاپ ايتقاندا تورتتىڭ اراسىنان ۇيالى تەلەفون تاپتى. كونديتەرلىك ءونىم ارنايى قۇرىلعى - مەتاللودەتەكتورمەن تەكسەرىلگەن.
«تورت سىيلىق جەتكىزىلگەن سوتتالعان ازاماتتىڭ كوز الدىندا تۋرالىپ، ونىڭ ىشىنەن تىيىم سالىنعان زات - سۋ جاڭا ۇيالى تەلەفون الىندى. بۇل فاكتى بويىنشا سوتتالعاندى جانە «ءتاتتى سىيلىقتى» جەتكىزگەن ازاماتتى جاۋاپكەرشىلىككە تارتۋ ءۇشىن ءتيىستى تەكسەرۋلەر جۇرگىزىلەتىن بولادى»، - دەلىنگەن سايتتا.