ۇلى بريتانيانىڭ ۇلتتىق ستاتيستيكا باسقارماسى وسىنداي توقتامعا كەلىپ وتىر، دەپ حابارلايدى قازاقپارات BBC گە سىلتەمە جاساپ.
ۆەدومستۆونىڭ قورىتىندىلارى انگليادا كەزدەيسوق تاڭدالعان، COVID-19 دياگنوزى قويىلعان 6 مىڭ ادامعا قاتىستى مالىمەتتىڭ وڭدەلۋىنەن جاسالعان. ءيىس پەن ءدامدى جوعالتۋ سياقتى بەلگىلەر جاڭا شتامدا ازىراق كەزدەسەدى. ءبىراق بۇل شتامدا ءالى دە اۋرۋدىڭ نەگىزگى ءۇش بەلگىسى بار. ولار: دەنە قىزۋى، تۇراقتى جوتەل جانە ءدام سەزىمتالدىعىنىڭ وزگەرۋى. ىندەت جۇقتىرعان ادامداردىڭ كوپشىلىگىندە وسى ءۇش بەلگىنىڭ كەم دەگەندە بىرەۋى انىقتالعان.
ايتا كەتسەك، كوروناۆيرۋستىڭ جاڭا شتامى العاش رەت كەنت گرافتىعىندا تىركەلگەن ەدى. جاڭا شتامنىڭ باستاپقى ۆيرۋسقا قاراعاندا تارالۋ قابىلەتى جىلدامىراق. ول ۇلى بريتانيانىڭ بارلىق ايماعىنان انىقتالدى. جاڭا ينفەكتسيانى جۇقتىرعانداردىڭ سانىنىڭ كۇرت وسۋىنە بايلانىستى ونداعى بيلىك كۇندەلىكتى لوكداۋن ەنگىزۋگە ءماجبۇر بولدى. بۇل شتامنىڭ ولىمگە اپارار قاۋپى جوعارىراق دەپ ايتۋعا نەگىز بار. ايتسە دە مۇنى راستايتىن عىلىمي نەگىز ءالى جوق. بريتانيادا سونىمەن قاتار وڭتۇستىك افريكا مەن برازيليادان جەتكەن جاڭا شتامدار دا انىقتالعان. الايدا ولارعا قاتىستى جەكەلەگەن جاعدايلار عانا تىركەلدى.
ستاتيستيكالىق ۆەدومستۆو قىزمەتكەرلەرى جاڭا Covid-19 شتامىمەن تۇسكەن ناۋقاستاردىڭ بويىنداعى اۋرۋ بەلگىلەرىن ءبىر اپتا بويى تالدادى. ولاردى «باستاپقى» شتامدى جۇقتىرعاندارمەن سالىستىردى. 2020 -جىلدىڭ قاراشا ايىنىڭ ورتاسىنان باستاپ 2021 -جىلدىڭ قاڭتار ايىنىڭ ورتاسىنا دەيىن اۋىرعان ادامداردىڭ ناتيجەلەرى ەسكەرىلدى. دەرەكتەر جاڭا شتامنىڭ ءبىرىنشى جاعدايدا سياقتى ءۇش ەمەس، ەكى گەنمەن ۇيلەسەتىندىگىن كورسەتكەن. جاڭا شتامدى جۇقتىرعان 3,5 مىڭ ادامنىڭ ىشىندە 5 جوتەلسە، 2 ىن شارشاڭقىلىق باسقان. % نىڭ بۇلشىق ەتتەرى مەن بۇكىل دەنەسى اۋىرسىنىپ، شاعىمدانعان. ال !,8 نىڭ تاماعى اۋىردى.
ازىرگە قازاقستاندا مۇنداي شتامى بار اۋىرۋ بەلگىلەرى تىركەلگەن جوق. دەنساۋلىق ساقتاۋ ءمينيسترى الەكسەي سوي قازاقستاندا كورونيۆيرۋستىڭ انىقتالۋى مۇمكىن شتامدارىنا كۇن سايىن مولەكۋليارلىق- گەنەتيكالىق زەرتتەۋ جۇمىستارى جۇرگىزىلىپ جاتقانىن ايتتى.