الماتى وبلىسىندا جاياۋ ادامدى كولىكپەن قاعىپ، قاشىپ كەتكەن جۇرگىزۋشى ۇستالدى
قاراساي اۋداندىق پوليتسياسىنىڭ كەزەكشى بولىمىنە ەلتاي اۋىلىنان 19 ساعات 30 مينۋت شاماسىندا انىقتالماعان كولىك قۇرالىنىڭ جول-كولىك وقيعاسىن جاساپ، سول جەردەن بوي تاسالاعانى تۋرالى حابار ءتۇستى.
جابىرلەنۋشى ەر ادام ەس-ءتۇسسىز كۇيدە اۋرۋحاناعا جەتكىزىلدى. ەكى كۇننەن كەيىن جابىرلەنۋشى العان جاراقاتىنان قايتىس بولدى.
اتالعان فاكت ق ر ق ك 345-بابى 2-بولىگى، 347-بابى بويىنشا س د ت ب ت- دە تىركەلدى.
الماتى وبلىستىق پوليتسيا دەپارتامەنتىنىڭ جەدەل-ىزدەستىرۋ ءىس-شارالارىنىڭ ناتيجەسىندە ءبىر تاۋلىك ىشىندە قاراساي اۋدانىنىڭ 31 جاستاعى تۇرعىنى كۇدىكتى رەتىندە انىقتالىپ، ۇستالدى.
ونىڭ ءۇيىنىڭ اۋلاسىنان ءتارتىپ ساقشىلارى «نيسسان لارگو» اۆتوكولىگىن تاپتى. بارلىق دالەلدەرمەن اشكەرەلەنگەن كۇدىكتى كىناسىن مويىندادى. اتالعان فاكتى بويىنشا سوتقا دەيىنگى تەرگەۋ جۇرگىزىلۋدە.