الماتى سوتى «ماس سۋديانىڭ» ۆيدەوسىنا قاتىستى تەكسەرىس باستادى

نۇر-سۇلتان. قازاقپارات - الماتى قالالىق سوتى الەۋمەتتىك جەلىلەردە تاراعان «ماس سۋديانىڭ» ۆيدەوسىنا بايلانىستى قىزمەتتىك تەكسەرۋدى باستادى، - دەپ حابارلايدى Tengrinews.kz ءتىلشىسى.

ۆيدەو Kozachkov offside Telegram-كانالىندا پايدا بولدى. ۆيدەودان ءتورت ادامدى بايقاۋعا بولادى، ولار بالاعات سوزدەر ايتادى، بولجام بويىنشا، ونداعى ەر ادامدار ماس بولعان.

«ولاردىڭ ءبىرى - الماتىنىڭ المالى اۋداندىق سوتىنان كەلگەن فەميدانىڭ قازىرگى قىزمەتشىسى دەيدى»، - دەلىنگەن ۆيدەونىڭ سيپاتتاماسىندا.

الماتى قالالىق سوتى وسى ۆيدەوعا قاتىستى پىكىر ءبىلدىردى.

«الەۋمەتتىك جەلىلەردە ءبىر ۆيدەو قىزۋ تالقىلانىپ جاتىر. ۆيدەودا المالى اۋداندىق سوتىنىڭ سۋدياسى بار ەكەنى ايتىلادى. وسى دەرەك بويىنشا الماتى قالالىق سوتى قىزمەتتىك تەكسەرۋ جۇرگىزىپ جاتقانىن حابارلايمىن»، - دەدى قالالىق سوتتىڭ باسپا ءسوز حاتشىسى اباي جارىلقاسىن.