اتىراۋدا شاڭدى داۋىل سوعىپ تۇر
21:37, 14 - قاڭتار 2021
اتىراۋ. قازاقپارات - اتىراۋدى شاڭدى داۋىل باستى، دەپ حابارلايدى قازاقپارات.
بۇدان بۇرىن قاتتى جەلدىڭ سالدارىنان تۇرعىن ۇيلەر مەن مەكتەپتەردىڭ شاتىرى ۇشقانىن حابارلاعان ەدىك. ەندى اتىراۋ قالاسى مەن ەلدى مەكەندەردى شاڭدى داۋىل باسىپ تۇر. كەشەدەن بەرى اتىراۋدا جەل ەكپىنى باسىلار ەمەس.
«تۇنگى مەزگىلدە جۇرگىزۋشىلەرگە ساق بولۋدى ەسكەرتىپ وتىرمىز. جولدا اراقاشىقتىقتى ساقتاۋ كەرەك. قالادا دا، اۋدانداردا دا قارا جولمەن جۇرگەندە الدىمەن ساقتىق شارالارىنا ءمان بەرگەن ءجون» دەپ اقپارات تاراتتى وبلىستىق پوليتسيا دەپارتامەنتىنىڭ باسپا ءسوز قىزمەتى.