ەلباسى پرەمەر- ءمينيستردىڭ كانديداتۋراسىنا قاتىستى پىكىر ءبىلدىردى
17:26, 14 - قاڭتار 2021
نۇر- سۇلتان. قازاقپارات - ەلباسى نۇرسۇلتان نازاربايەۆ «Nur Otan» پارتياسى فراكسياسىنىڭ وتىرىسىندا ۇكىمەت باسشىسىنىڭ كانديداتۋراسىنا قاتىستى پىكىر ءبىلدىردى.
«مەنىڭ ويىمشا، ساباقتاستىقتى ساقتاۋ كەرەك. بارلىق قيىندىققا قاراماستان، ۇكىمەت ءوز جۇمىسىن جاقسى اتقاردى. باسقا ەلدەرگە قاراعاندا ءبىز جامان ناتيجە كورسەتكەن جوقپىز. ەگەر پرەزيدەنت مامين اسقار ۇزاقپاي ۇلىن ۇسىنسا، وندا مەن فراكسيادان ونىڭ كانديداتۋراسىن قولداۋلارىن سۇرايمىن»، - دەدى نۇرسۇلتان نازاربايەۆ.
ءسوز سوڭىندا قازاقستاننىڭ تۇڭعىش پرەزيدەنتى دەپۋتاتتاردى تاعى دا وتكەن سايلاۋداعى سەنىمدى جەڭىسىمەن قۇتتىقتاپ، فراكسيا مۇشەلەرىنىڭ جۇمىسىنا ساتتىلىك تىلەدى.
اۆتور: ايان بەكەن ۇلى