ۆەدومستۆونىڭ مالىمەتىنشە، بيىلعى جىلدىڭ باسىندا اقمولا وبلىسى اۋماعىندا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار اۆتوجولداردىڭ كەيبىر ۋچاسكەلەرىندە ديزەلدى جانە قوعامدىق كولىك تۇرلەرى ءۇشىن قوزعالىس ۋاقىتشا شەكتەلدى. سول سەبەپتى، پوليتسيا قىزمەتكەرلەرى پاترۋلدەۋ مەن جول مونيتورينگىن كۇشەيتتى. وسى ۋاقىت ىشىندە پوليتسيا قىزمەتكەرلەرى جولدا قالعان 30 عا جۋىق ادامدى قۇتقاردى.
سولاردىڭ ءبىرى - ەلوردالىق جۇك كولىگىنىڭ جۇرگىزۋشىسى قايرات قۇدايبەرگەنوۆ. ول «ازات - ستەپنوگور» اۆتوجولىنىڭ 136- شاقىرىمىندا كومەككە كەلگەن اقمولا وبلىسى پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ پاترۋلدىك پوليتسيا روتاسىنىڭ پوليتسەيلەرىنە العىس ءبىلدىردى.
«قاتتى ايازدىڭ سالدارىنان اقكول قالاسىندا بىرنەشە كۇن تۇرۋعا تۋرا كەلدى. جولدى جالعاستىرۋ مۇمكىن بولعان كەزدە كولىك بۇزىلىپ، جول پوليتسياسى قىزمەتكەرلەرى جۇرگىزۋشىگە كومەككە كەلدى. ءتارتىپ ساقشىلارى دەرەۋ جۇك كولىگىن جاقىن ماڭداعى ەلدى مەكەنگە جەتكىزىپ، ونى جوندەۋگە كومەكتەستى»، - دەپ اتاپ ءوتتى پ د و ك پ قىزمەتىنىڭ ينسپەكتورى، كىشى لەيتەنانت قۋانىش مۇقانوۆ.
اۆتور: اسلان وسپانوۆ