بۇل شارالار سايلاۋدا جەڭىسكە جەتكەن دەموكرات دجو بايدەندى ۇلىقتاۋ راسىمىندە قاۋىپسىزدىكتى قامتاماسىز ەتۋ ءۇشىن قابىلداندى. ءراسىم ا ق ش- تا 20-قاڭتاردا وتەدى.
بۇل تۋرالى اق ءۇي حابارلايدى.
امەريكا استاناسىنىڭ بيلىگى بۇعان دەيىن توتەنشە جاعداي رەجيمىن ءوز باستاماسى بويىنشا ەنگىزگەن بولاتىن. سودان كەيىن ولار ترامپقا وسىلاي جاساۋدى ۇسىنعان. بۇل كەرەك بولعان جاعدايدا قاۋىپسىزدىكتى قامتاماسىز ەتۋ ءۇشىن فەدەرالدى كومەك الۋ ءۇشىن قاجەت.
«بۇگىن ا ق ش پرەزيدەنتى دونالد ترامپ كولۋمبيا وكرۋگىندە توتەنشە جاعداي ەنگىزىلگەنىن حابارلادى جانە 59-پرەزيدەنتتىك ۇلىقتاۋ راسىمىنە وراي فەدەرال كومەكتى توتەنشە جاعدايعا بايلانىستى وكرۋگتىڭ كۇش- جىگەرىنە قوسىمشا ارتۋدى بۇيىردى»، - دەلىنگەن اق ءۇيدىڭ حابارلاماسىندا.
ترامپ اكىمشىلىگى مەملەكەت باسشىسىنىڭ شەشىمىن ىشكى قاۋىپسىزدىك مينيسترلىگىنە جانە توتەنشە جاعدايلار فەدەرال اگەنتتىگىنە «توتەنشە جاعدايدان تۋىنداعان جەرگىلىكتى تۇرعىنداردىڭ قيىندىقتارى مەن قايعى- قاسىرەتىن جەڭىلدەتۋ جانە ءتيىستى كومەك كورسەتۋ ماقساتىندا اپاتقا قارسى بارلىق كۇش- جىگەردى ۇيلەستىرۋگە مۇمكىندىك بەرەدى» دەپ ءتۇسىندىردى.
ايتا كەتەيىك، ترامپ اكىمشىلىگىندە ۆاشينگتونداعى كاپيتولييگە جاسالعان شابۋىلدان بەرى ءۇشىنشى مينيستر وتستاۆكاعا كەتتى. ول ا ق ش ىشكى قاۋىپسىزدىك ءمينيسترىنىڭ مىندەتىن اتقارۋشى چەد ۆولف بولدى. NBC News جانە ABC News تەلەارنالارىنىڭ حابارىنا سەنسەك، ول ءوز شەشىمى تۋرالى ارىپتەستەرىنە جازعان حاتىندا ايتقان.
ىشكى قاۋىپسىزدىك مينيسترلىگى ءبىرقاتار قۇقىق قورعاۋ جانە كۇش قۇرىلىمدارىنىڭ، سونىڭ ىشىندە جاعالاۋ كۇزەتى، يمميگراتسيالىق- كەدەندىك پوليتسيا قىزمەتى، ازاماتتىق جانە يمميگراتسيالىق قىزمەت، ەسىرتكى جانە زاڭسىز قارۋ- جاراق باسقارماسى، ينفراقۇرىلىم جانە كيبەرقاۋىپسىزدىك دەپارتامەنتتەرىنىڭ قىزمەتىن ۇيلەستىرەدى.
ايتا كەتەيىك، بۇعان دەيىن دونالد ترامپ كابينەتىنەن قىزمەتىنەن كولىك ءمينيسترى ەلەين چاو مەن ءبىلىم ءمينيسترى بەتسي دەۆوس كەتكەن بولاتىن.
«مينيسترلەردىڭ بۇل ارەكەتىنە ترامپتان بولىنگىسى كەلۋمەن قاتار، ولار ا ق ش كونستيتۋتسياسىنىڭ 25-تۇزەتۋى بويىنشا پرەزيدەنتتى شەتتەتۋ پروتسەسىنە قاتىسقىسى كەلمەۋى مۇمكىن (پرەزيدەنتتىڭ مىندەتتەرىن ورىنداي الماۋى تۋرالى)، دەموكراتتار وسىنداي تالاپ ايتقان»، - دەلىنگەن حابارلامادا.
ەسكە سالايىق، 6-قاڭتاردا دونالد ترامپ ۆاشينگتوندا وتكەن ميتينگىدە جاقتاستارىن پرەزيدەنت سايلاۋىنىڭ ناتيجەلەرىنە قارسى «ءالسىز رەسپۋبليكاشىلارعا كومەكتەسۋ» ءۇشىن كاپيتوليدى باسىپ الۋعا شاقىرعان ەدى. جينالعاندار كاپيتوليدى قورشاپ الىپ، عيماراتقا باسىپ كىرگەن، وسىلايشا ولار دجو بايدەننىڭ جەڭىسىن راستايتىن كونگرەسستىڭ بىرلەسكەن سەسسياسىن توقتاتتى. قاقتىعىستان بەس ادام قازا بولدى.
كاپيتولي عيماراتىندا ا ا ك ارداگەرىنە وق اتىلعان. سونىمەن قاتار، زارداپ شەككەن پوليتسيا قىزمەتكەرى قايتىس بولدى. تاعى ءۇش ادام قايتىس بولدى. الايدا ولاردىڭ ءولىمى زورلىق- زومبىلىقپەن بايلانىستى ەمەس دەلىنەدى.
Tengrinews.kz