اۋا رايى: سەيسەنبىدە قازاقستاننىڭ باسىم بولىگىندە قار جاۋادى

12-قاڭتاردا قازاقستان اۋماعىنىڭ باسىم بولىگىنە اتلانت سيكلونى اسەر ەتەدى، سوعان بايلانىستى قار جاۋادى، وڭتۇستىك پەن وڭتۇستىك- باتىستا قار ارالاس جاڭبىر جاۋادى. ەلىمىزدىڭ كەي جەرلەرىندە تۇمان تۇسەدى، جەل كۇشەيىپ، بوران سوعادى، وڭتۇستىك پەن وڭتۇستىك- باتىستا كوكتايعاق بولۋى ىقتيمال.

سولتۇستىك قازاقستان وبلىسىندا جەل 15-20 م/س كۇشەيەدى، كۇندىز ەكپىنى 23-28 م/س جەتەدى، كەي جەرلەردە بوران سوڭۋى مۇمكىن.

اقمولا، تۇركىستان، قاراعاندى وبلىستارىنىڭ كەي جەرلەرىندە بوران سوعادى، تۇمان ءتۇسۋى مۇمكىن، جەل 15-20 م/س كۇشەيەدى، ەكپىنى 23-28 م/س جەتەدى.

جامبىل وبلىسىنىڭ كەي جەرلەرىندە تۇمان تۇسەدى، جەل 15-20 م/س كۇشەيىپ، ەكپىنى 23-28 م/س جەتەدى، كۇندىز كوكتايعاق بولۋى مۇمكىن. شىعىس قازاقستان وبلىسىنىڭ كەي جەرلەرىندە جاياۋ بۇرقاسىن سوعادى، جەل 15-20 م/س كۇشەيەدى، تۇندە ەكپىنى 25 م/س جەتەدى.

قوستاناي، پاۆلودار وبلىستارىنىڭ كەي جەرلەرىندە جاياۋ بۇرقاسىن سوعۋى مۇمكىن، جەل 15-20 م/س كۇشەيەدى، قوستاناي وبلىسىنىڭ كەي جەرلەرىندە تۇمان ءتۇسۋى مۇمكىن. قىزىلوردا وبلىسىنىڭ كەي جەرلەرىندە تۇمان تۇسەدى، تۇندە جانە تاڭەرتەڭ جەل 15-20 م/س كۇشەيەدى.

الماتى وبلىسىنىڭ جالاڭاشكول اۋدانىندا جەل 20-25 م/س كۇشەيەدى، ەكپىنى 30 م/س جەتەدى. ماڭعىستاۋ، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان ءتۇسۋى مۇمكىن. ماڭعىستاۋ، اتىراۋ وبلىستارىنىڭ كەي جەرلەرىندە كوكتايعاق بولادى.