جەكسەنبى كۇنى رەسمي دەرەككوزدەر توكيونىڭ حانەدا اۋەجايىنا برازيليادان ۇشىپ كەلگەن ءتورت ادامنىڭ كوروناۆيرۋستىڭ جاڭا شتاممىن جۇقتىرعانىن مالىمدەدى. جاپونيانىڭ ينفەكسيالىق اۋرۋلار جونىندەگى ۇلتتىق ينستيتۋتىنىڭ قازىرگى كەزدە ۆيرۋستىڭ جاڭا نۇسقاسىنىڭ بۇعان دەيىنگى ۆيرۋسقا قاراعاندا جىلدام تارالاتىندىعى نەمەسە كۇردەلى بەلگىلەرىنىڭ بار- جوعى تۋرالى دالەلى جوق. ينستيتۋت باسشىسى تاكادجا ۆاكيتا جاڭا نۇسقانىڭ (شتامم) ۇلى بريتانيا جانە وڭتۇستىك افريكادا تارالىپ جۇرگەن ۆيرۋس تۇرىنە ۇقساس ەكەنىن قوسىپ ءوتتى.
كوروناۆيرۋستىڭ بۇدان دا قاۋىپتى نۇسقالارىنىڭ ەكى ەلدە انىقتالۋىنا قاتىستى الاڭداۋشىلىعىن بىلدىرگەن جاپونيا ۇكىمەتى شەتەلدىك رەزيدەنت ەمەس ازاماتتاردىڭ ەلگە كىرۋىنە تىيىم سالدى. جاپونيانىڭ دەنساۋلىق ساقتاۋ مينيسترلىگى ءتورت جولاۋشىنىڭ حانەدا اۋەجايىنا 2-قاڭتار كۇنى برازيليادان كەلگەنىن حابارلادى. اۋەجايداعى كارانتيننەن كەيىن ولاردىڭ كوروناۆيرۋستىق ينفەكسياعا تاپسىرعان تەستى وڭ بولىپ شىققان.
ولاردىڭ ىشىندە 40 جاستاعى ەر ادام تىنىس الۋى ناشارلاعانىنا، 30 جاستاعى ايەل تاماعى مەن باسىنىڭ اۋىرعانىنا شاعىمداندى، ال جاس ءوسپىرىم بالانىڭ دەنە قىزۋى كوتەرىلگەن. ءتورتىنشىسى، جاس ءوسپىرىم قىز بالادا اۋرۋدىڭ ەشقانداي بەلگىلەرى بولعان جوق. قازىرگى كەزدە جاپونيادا كوروناۆيرۋس ينفەكسياسىن جۇقتىرۋدىڭ 6 مىڭنان استام جاڭا وقيعاسى تىركەلدى. اۋرۋ جۇقتىرعانداردىڭ جالپى سانى 289 مىڭ ادامنان اسقان. ەلدە ءقاۋىپتى ۆيرۋستىڭ تارالۋىنان 4 مىڭنان استام ادام قايتىس بولدى.
اۆتور: زارينا تۋعانبايەۆا