«وزدەرىڭىز بىلەتىندەي، 2007 -جىلى كونستيتۋتسيالىق رەفورما ناتيجەسىندە قابىلدانعان اتا زاڭعا قازاقستان حالقى اسسامبلەياسىنان ق ر پارلامەنتى ماجىلىسىنە 9 دەپۋتات سايلاۋ قۇقىعى بەرىلگەن وزگەرىستەر مەن تولىقتىرۋلار ەنگىزىلگەن بولاتىن. بۇل قادام ءبىزدىڭ قوعامنىڭ بىرلىگىن نىعايتۋعا، ەتنوستار مۇددەلەرىن بىلدىرۋگە، ولاردىڭ ەلىمىزدىڭ قوعامدىق- ساياسي ومىرىنە قاتىسۋىن جانداندىرۋعا باعىتتالعان ەدى. وسى نورما بىرىككەن ۇلتتار ۇيىمىنىڭ، ەۋروپاداعى قاۋىپسىزدىك پەن ىنتىماقتاستىق ۇيىمىنىڭ جانە باسقا دا حالىقارالىق ۇيىمداردىڭ حالىقارالىق پاكتىلەر مەن كونۆەنتسيالارى اياسىندا قازاقستاننىڭ ادام قۇندىلىقتارى، ازاماتتىق جانە ساياسي قۇقىقتار جونىندەگى حالىقارالىق مىندەتتەمەلەرىن ورىنداۋ ۇدەسىنە جاتادى»، - دەدى ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى جانسەيىت تۇيمەبايەۆ.
وسى ورايدا ول بۇگىن ق ر پارلامەنتى ماجىلىسىنە قازاقستان حالقى اسسامبلەياسى سايلايتىن دەپۋتاتتار انىقتالاتىنىن اتاپ ءوتتى.
«اسسامبلەيانىڭ 9 دەپۋتاتى قازاقستاننىڭ بارلىق ەتنوستارىنىڭ، بۇكىل حالىقتىڭ مۇددەسىن بىلدىرەدى. ال ق ح ا- نىڭ دەپۋتاتتىق توبى ەلدىڭ تاتۋلىعى مەن بىرلىگىن نىعايتۋ ماسەلەلەرى بويىنشا پارتياارالىق ىنتىماقتاستىقتىڭ پارلامەنتتىك تەتىگى ءرولىن اتقارادى. «سايلاۋ تۋرالى» كونستيتۋتسيالىق زاڭىنا سايكەس، اسسامبلەيا سايلايتىن پارلامەنت ماجىلىسىنە دەپۋتاتتىعىنا كانديداتتار ۇسىنۋ اسسامبلەيا كەڭەسىنىڭ وكىلەتتىگىنە جاتادى. 2020 -جىلعى 11 -جەلتوقساندا اسسامبلەيا كەڭەسىنىڭ وتىرىسىندا ق ر پارلامەنتى ءماجىلىسىنىڭ دەپۋتاتتىعىنا قازاقستان حالقى اسساملەياسى سايلايتىن كانديداتتار ۇسىنىلدى»، - دەدى ج. تۇيمەبايەۆ.
ونىڭ ايتۋىنشا، اسسامبلەيا كەڭەسى كانديداتتار ءتىزىمىن جاساۋ بارىسىندا ءبىرقاتار ماڭىزدى كريتەريلەردى ەسكەردى. اتاپ ايتقاندا: دەپۋتاتتىق كورپۋستىڭ ساباقتاستىعى، ايماقتىق قامتۋ، گەندەرلىك تەڭدىكتىڭ قامتىلۋى، جاستاردى تارتۋ، ەتنيكالىق توپتاردىڭ ەسكەرىلۋى، دەپۋتاتتىق كورپۋستا ەكى مەرزىمنەن ارتىق بولماۋى. كەڭەس قاراۋىنىڭ قورىتىندىسى بويىنشا پارلامەنت ماجىلىسىنە دەپۋتاتتىققا اسسامبلەيا سايلايتىن كانديداتتار ۇسىنۋ تۋرالى شەشىم قابىلدانىپ، ولار سايلاۋ بيۋللەتەنىنە ەنگىزىلدى. ۇسىنىلعان 9 كانديداتتىڭ قاتارىندا مىنالار بار:
1. ابدراحمانوۆ ساۋىتبەك ابدراحمان ۇلى
2. اميرحانيان اۆەتيك رۋبەنوۆيچ
3. بۋلاروۆ يلياس يۋسۋپوۆيچ
4. دەمەنتەۆا ناتاليا گريگوريەۆنا
5. لي يۋري ۆيسساريونوۆيچ
6. نابيەۆ ۆاكيل گۋسەينوۆيچ
7. وسين شاميل ابزالەتدينوۆيچ
8. توحتاسۋنوۆ ۆلاديمير يمتاحۋنوۆيچ
9. حامەدوۆ ابيلفاس مۋسليموۆيچ