«بۇگىن تاڭنان وسى ۋاقىتقا دەيىن پروكۋراتۋرا ورگاندارىنا داۋىس بەرۋ شارتتارىن بۇزۋ تۋرالى شاعىمدار مەن ارىزدار تۇسكەن جوق. دەگەنمەن جەكەلەگەن ادامدار الەۋمەتتىك جەلىلەردە جاساندى رەزونانس تۋدىرۋ ماقساتىندا «بۇگىن ورىن العان دەپ» سايلاۋ زاڭناماسىن بۇزۋشىلىقتارى تۋرالى جالعان ماتەريالداردى تاراتۋدا. ءبىز وسى ماتەريالداردى تەكسەردىك. ولاردىڭ قازىرگى سايلاۋ ناۋقانىنا قاتىسى جوق»، - دەدى ازامات سارعازين و ك ق- دا وتكەن باسپا ءسوز ءماسيحاتىندا.
ونىڭ ايتۋىنشا، WhatsApp مەسسەندجەرى ارقىلى سايلاۋ ۋچاسكەلەرىنىڭ بىرىندە سايلاۋ كوميسسياسىنىڭ مۇشەلەرى الدىن الا قول قويعان بيۋللەتەندەر تابىلعان بەينەجازبا تارالعان.
بۇل ودان بۇرىن وتكىزىلگەن سايلاۋ كەزىندە نۇر-سۇلتان قالاسىندا سايلاۋ ۋچاسكەلەرىنىڭ بىرىندە جۇرگىزىلگەن ەسكى جازبا ەكەنى انىقتالدى. سونداي-اق Facebook جەلىسىن پايدالانۋشى «قازاقستاندا بۇرمالاۋ باستالدى» دەگەن پىكىرمەن جاشىككە بيۋللەتەندەردى سالۋدىڭ بەينەجازباسىن ورنالاستىرعان.
الايدا ماتەريالداردى زەردەلەۋ ناتيجەسى بۇل ۆيدەو رەسەي ەلدى مەكەندەرى ءبىرىنىڭ سايلاۋ ۋچاسكەسىندە جازىلعانىن كورسەتتى.
«ب ا ق- تى نەمەسە تەلەكوممۋنيكاتسيا جەلىلەرىن پايدالانا وتىرىپ، قوعامدىق ءتارتىپتى بۇزۋ قاۋپىن تۋدىراتىن جالعان اقپارات تاراتقانى ءۇشىن قىلمىستىق كودەكستىڭ 274-بابى بويىنشا قىلمىستىق جاۋاپتىلىق كوزدەلگەنىن ەسكە سالعىم كەلەدى. سايلاۋ پروتسەسى زاڭدىلىعىن ساقتالۋىن قاداعالاۋ جالعاسىپ كەلەدى»، - دەدى ازامات سارعازين.