سولاردىڭ ءبىرى پولشا رەسپۋبليكاسىنان كەلگەن بايقاۋشى قازاقستاندا ءوتىپ جاتقان سايلاۋ تۋرالى پىكىرىمەن ءبولىستى، حابارلايدى قازاقپارات ءتىلشىسى.
«قازاقستاننىڭ دامىپ كەلە جاتقان ەلدەردىڭ ءبىرى. بۇگىن ەل ءۇشىن وتە ماڭىزدى كۇن. قازاقستان جاڭا ءداۋىردى باستايدى، سەبەبى سايلاۋدا 5 بىردەي پارتيا تىركەۋدەن ءوتتى. جانە ادامدار ءتىزىمى كوپ، بۇل جاڭا جاعداي. وزگە پوستكەڭەستىك مەملەكەتتەرگە قاراعاندا قازاقستاندا جۇيە مەن ءتارتىپ ەرەكشە بايقالادى. مىسالىعا ۋكراينا مەن بەلارۋس ەلدەرىندەگى سايلاۋدى ايتۋعا بولادى. ال سىزدەردە جۇيە مەن ءتارتىپ جانە ەل تۇراقتىلىعى باقىلانادى. سونداي-اق، سايلاۋ پروتسەسىن قازاقستاندىق ەمەس، ودان بولەك حالىقارالىق بايقاۋشىلاردىڭ قاداعالاپ جاتقاندىعىن ەرەكشە ايتىپ وتكەن ءجون»، - دەدى توماش لەنتس ەلوردادا تاۋەلسىز حالىقارالىق بايقاۋشىلاردىڭ قاتىسۋىمەن وتكەن باسپا ءسوز ءماسليحاتىندا.
ايتا كەتسەك، ق ر سىرتقى ىستەر مينيسترلىگىنىڭ مالىمەتىنشە، ەلورداداعى سايلاۋدى 225 تاۋەلسىز حالىقارالىق بايقاۋشى قاداعالاۋدا.