قازاقستاننىڭ حالىق پارتياسىنىڭ باسشىسى ەلورداداعى 66 مەكتەپتە ورنالاسقان 113 سايلاۋ ۋچاسكەسىندە داۋىس بەردى.
«بۇگىن ءماجىلىس پەن ءماسليحاتتار دەپۋتاتتارىن سايلاۋ كۇنى ءوتىپ جاتىر. مەنىڭ ويىمشا، ءار ازامات ءوز تاڭداۋىن جاساپ، كونستيتۋتسيالىق قۇقىعىن پايدالانعانى ءجون. جانە سول ارقىلى ەلىمىزدىڭ ساياسي، ەكونوميكالىق جانە الەۋمەتتىك دامۋىنا ءوز ۇلەسىن قوسادى»، - دەدى ايقىن قوڭىروۆ.
ايتا كەتەيىك، قازاقستان پرەزيدەنتى قاسىم-جومارت توقايەۆ 2020-جىلدىڭ 20- قازانىندا پارلامەنت ءماجىلىسى مەن ءماسليحات دەپۋتاتتارى سايلاۋىن وتكىزۋ تۋرالى جارلىق شىعارعان بولاتىن. بۇگىن 12 وڭىردە 8141 سايلاۋ ۋچاسكەسىندە داۋىس بەرۋ باستالدى.