«دۆوريانين» جانۋارلاردى قورعاۋ قوعامدىق قورىنىڭ مالىمەتىنشە، ەكى كۇن بۇرىن قالا تۇرعىندارى كوشەدەن دەنەسىنە مۇز قاتا باستاعان ۇكىنى تاۋىپ العان. ولار قۇستى جىلى بوكسقا جاتقىزىپ، جىلىتقان. سودان كەيىن قايتادان تابيعاتقا ۇشىرىپ جىبەرمەك بولعان. الايدا قۇس ەشقايدا ۇشىپ كەتپەگەن. قوعامدىق قور ۇكىنى تاپسىرۋ ءۇشىن ورمان شارۋاشىلىعى جانە جانۋارلار الەمى ينسپەكتسياسىنا حابارلاسۋدى كوزدەپ وتىر.
«قازىر دالادا سارىشۇناق اياز، مۇنداي كەزدە يەسىز جانۋارلاردىڭ ادام كومەگىنسىز امان قالۋى وتە قيىن. بۇل سۋىقتان قاراۋسىز ءۇي جانۋارلارى عانا ەمەس، جابايى تابيعاتتاعى اڭ- قۇستار دا زارداپ شەگىپ وتىر» دەپ اتاپ ءوتتى «دۆوريانين» قوعامدىق قورىنىڭ وكىلدەرى.