ءبىرقاتار قازاقستاندىق ساراپشىلار جاستاردىڭ ساياسي جانە زاڭنامالىق پروتسەستەرگە قاتىسۋىنىڭ ماڭىزدىلىعىن اتاپ ءوتتى.
الماتى قالاسىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا مۇشەسى فاريدا جىلقىبايەۆانىڭ ايتۋىنشا، زاڭعا ەنگىزىلگەن سوڭعى تۇزەتۋلەردىڭ ارقاسىندا سايلاۋعا كوپتەگەن جاستار مەن ايەلدەر قاتىسۋدا.
«ءبىزدىڭ جاساپ جاتقانىمىزدىڭ ءبارى كەلەشەك جاس ۇرپاقتىڭ يگىلىگى ءۇشىن. ويتكەنى، ولار ءبىزدىڭ تاجىريبەمىزدىڭ، ءبىلىمىمىزدىڭ، دانالىعىمىزدىڭ تاسىمالداۋشىلارى، سونىمەن بىرگە ولار كرەاتيۆتى، ساۋاتتى، تالانتتى، اسىرەسە سيفرلىق تەحنولوگيالار سالاسىندا بىلگەندەرى كوپ، وزدەرىن قامتاماسىز ەتە الاتىن دەڭگەيدە. سوندىقتان عالىم، كاسىبي مۇعالىم جانە تالىمگەر، دەنساۋلىق ساقتاۋ سالاسىنىڭ ۇيىمداستىرۋشىسى، 42 جىلدىق تاجىريبەسى بار دارىگەر بۇل تۇزەتۋلەردىڭ ۋاقتىلى، وزەكتى جانە سۇرانىسقا يە ەكەندىگىنە سەنىمدىمىن»، - دەدى ت. بوتابەكوۆا.
قازاق قىزدار پەداگوگيكالىق ۋنيۆەرسيتەتىنىڭ قۇقىق جانە باسقارۋ نەگىزدەرى كافەدراسىنىڭ دوتسەنتى، تاريح عىلىمدارىنىڭ كانديداتى اقمارال قوجابەكوۆا دا وسى تۇزەتۋدى قولدادى.
«جاستارعا جول» قاعيداتىن ۇستانعاننان كەيىن، مەن باسقارۋ ورگاندارىندا جاستاردى كوبىرەك كورگىم كەلەدى. جاستار — جاڭا ۇردىستەر، جاڭا ماقساتتار مەن مىندەتتەر، ولاردى شەشۋدىڭ جاڭا تاسىلدەرى»، - دەدى ا. قوجابەكوۆا.
ەسكە سالايىق، 2020-جىلعى 25- مامىردا ق ر پرەزيدەنتى قاسىم-جومارت توقايەۆ ساياسي قاتىناستار سالاسىن رەتتەيتىن زاڭنامانى جەتىلدىرۋ ماقساتىندا ءبىرقاتار زاڭدارعا قول قويدى.
اتاپ ايتقاندا، ساياسي رەفورمالار پاكەتىن ىسكە اسىرۋ شەڭبەرىندە ساياسي پارتيالار تۋرالى جانە سايلاۋ تۋرالى زاڭناماعا وزگەرىستەر ەنگىزىلدى.
«قازاقستان رەسپۋبليكاسىنداعى سايلاۋ تۋرالى» زاڭعا ەنگىزىلگەن تۇزەتۋلەردە ءاربىر ساياسي پارتيا سايلاۋعا قاتىسۋ ءۇشىن پارتيالىق ءتىزىمدى قالىپتاستىرۋ كەزىندە ايەلدەر مەن 29 جاسقا دەيىنگى جاس ادامدار ءۇشىن ارنايى 0 كۆوتا بولۋگە مىندەتتى.
جالپى، قابىلدانعان زاڭدار كوپپارتيالىقتى، پليۋراليزمدى دامىتۋعا، ءارتۇرلى اتاۋلى توپتاردىڭ ساياسي قاتىسۋىن كەڭەيتۋگە باعىتتالعان.