«شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قالالىق وپەرا جانە بالەت تەاترىنىڭ جاڭا باسشىسىن مەكەمە قىزمەتكەرلەرىنە تانىستىردى»، - دەلىنگەن قالالىق اقپاراتتىق كوممۋنيكاتسيالىق ورتالىق مالىمەتىندە.
مايرا مۇحامەد قىزى - ق ر ەڭبەك سىڭىرگەن ءارتىسى، «قۇرمەت»، «وتان» وردەندەرىنىڭ يەگەرى، «تارلان» سىيلىعىنىڭ، ق ر مەملەكەتتىك سىيلىعىنىڭ لاۋرەاتى، پاريجدەگى «گراند وپەرانىڭ» قازاقستاننان شىققان تۇڭعىش ءانشىسى.
1969-جىلى 9- مامىردا ق ح ر- دا دۇنيەگە كەلگەن. بەيجىڭ ۇلتتار ۋنيۆەرسيتەتىنىڭ مۋزىكا فاكۋلتەتىن (دجوۋ بەن چين سىنىبى) جانە بەيجىڭ كونسەرۆاتورياسىن (گو شۋ دجەن سىنىبى) بىتىرگەن.
رەپەرتۋارىنداعى كوپتەگەن شىعارمالار قازاقستان ساحناسىندا بۇرىن سوڭدى ورىندالماعان. وپەرالىق جانە كونسەرتتىك رەپەرتۋارىن اسقان تالعامپازدىقپەن تاڭداپ، ۇلكەن ەڭبەكقورلىق پەن ىزدەنىستىڭ ۇلگىسىن كورسەتىپ كەلەدى.