قىس قاھارىنا مىنگەن شاقتا ەلوردانىڭ ءتارتىپ ساقشىلارى كوشەلەردەگى قوعامدىق ءتارتىپتى قاداعالاپ، قاۋىپتى جاعدايلاردان حالىقتى ساقتاندىرۋدا، دەپ حابارلايدى قازاقپارات ءتىلشىسى.
ايازدى كۇندەرى ساپتىق بولىمشە قىزمەتكەرلەرى ايالدامالاردا اۆتوبۋس كۇتكەن ازاماتتاردى الىپ كەتىپ، ۇيىنە دەيىن جەتكىزىپ تاستاپ جاتىر. سونىمەن قاتار اۆتوكولىگى وتالماي قالعان ازاماتتارعا دا قولعابىس كورسەتىلۋدە. ءتارتىپ ساقشىلارى ودان بولەك جالعىزباستى زەينەتكەرلەردىڭ ءۇيىنىڭ قارىن تازالاۋدا.
«نۇر-سۇلتان قالاسىنىڭ پوليتسيا دەپارتامەنتى كۇننىڭ كۇرت سۋۋىنا بايلانىستى جوسپارلى ساپارلاردى كەيىنگە قالدىرۋعا شاقىرادى. الىس ساپارعا شىقپاي تۇرىپ، اۆتوكولىكتىڭ تەحنيكالىق جاي-كۇيىن تەكسەرىپ شىققان ابزال»، - دەپ ەسكەرتەدى دەپارتامەنتتەن.