ونىڭ ىشىندە 321 گازەت، 47 تەلەارنا جانە 131 ينتەرنەت-رەسۋرس بار.
بۇل تۋرالى ورتالىق سايلاۋ كوميسسياسىنىڭ وتىرىسىندا اقپارات جانە قوعامدىق دامۋ ۆيتسە-ءمينيسترى كەمەلبەك ويشىبايەۆ ءمالىم ەتتى، دەپ حابارلايدى قازاقپارات ءتىلشىسى.
ەلىمىزدە قوعامدىق-ساياسي تاقىرىپتا حابار تاراتىپ جۇرگەن بارلىق ب ا ق قامتىلعانىنا توقتالعان ۆيتسە-مينيستر: «ۇگىت-ناسيحات كامپانياسىن مونيتورينگىلەۋ قورىتىندىسى بويىنشا پارلامەنت ءماجىلىسىنىڭ جانە ءماسليحاتتار دەپۋتاتتارىنىڭ كەزەكتى سايلاۋىنا قاتىستى بارلىق ب ا ق- تا 22 مىڭنان استام ماتەريال جاريالاندى (ونىڭ ىشىندە 8822 ءسى گازەتتە، 6930 ى تەلەارنادا، 6855 ءى ينتەرنەت-رەسۋرستا). بۇل ءوز كەزەگىندە ازاماتتار مەن ب ا ق تاراپىنان سايلاۋعا جوعارى قىزىعۋشىلىقتى تاعى دا دالەلدەپ وتىر»، - دەدى.
تەلەارنالاردا «اق جول» مەن «اۋىل» پارتيالارى ءبىرشاما باسىم بولعان، ياعني ەفيرلىك ۋاقىت بويىنشا 21 پايىزدان تيەسىلى بولدى. قالعان پارتيالار تۇرعىسىندا ەفيرلىك ۋاقىت بىردەي دەڭگەيدە بولىنگەن - 19-20 پايىزدان. باسپا ءسوز ب ا ق- تاردا «Nur Otan» پارتياسى از-ماز باسىمىراق بولعانى بايقالدى - 23 پايىز. قالعان پارتيالار بويىنشا ماتەريالدار اۋقىمىنىڭ ۇلەسى كەلەسى دەڭگەيدە كورىندى: «Adal» جانە «اۋىل» - 20 پايىزدان، «اق جول» - ، قازاقستان حالىق پارتياسى - .
سونىمەن قاتار، ينتەرنەت-رەسۋرستاردا ساياسي پارتيالاردىڭ قىزمەتىن جاريالاۋ بىردەي دەڭگەيدە قالىپتاستى، ءار پارتيا بويىنشا 20 پايىز شاماسىندا.
«الەۋمەتتىك جەلىلەردەگى ۇگىت-ناسيحاتقا توقتالساق، ناۋقاننىڭ باستالۋىنا ارنالعان ورتالىق سايلاۋ كوميسسياسىنىڭ وتىرىسىندا اتاپ وتكەنىمدەي، الەۋمەتتىك جەلىلەردەگى ۇگىت-ناسيحاتتى ەسەپكە المادىق»، - دەدى كەمەلبەك ويشىبايەۆ.
ۆيتسە مينيستر بۇل باعىتتا ۆەدومستۆو حالىقارالىق تاجىريبەنى، سونداي-اق زاڭمەن تىيىم سالىنباعان كەز كەلگەن تاسىلمەن ءوزىنىڭ ازاماتتىق ۇستانىمىن بىلدىرۋدە ءار ادامنىڭ كونستيتۋتسيالىق قۇقىن نازارعا العانىن اتاپ ءوتتى.
«جالپى، مونيتورينگ ناتيجەسى بويىنشا قازاقستاندىق باق ساياسي پارتيالارعا بۇقارالىق اقپارات قۇرالدارىنا تەڭدەي قولجەتىمدىكتى قامتاماسىز ەتتى دەپ مالىمدەي الامىز»، - دەدى ول.