ترامپ تۆيتتەردە جاريالاعان تەلەۇندەۋىندە پرەزيدەنتتىك وكىلەتتىكتى بايدەنگە زاڭدى تۇردە تاپسىراتىنىن ۋادە ەتىپ، جاڭا پرەزيدەنت ءوز قىزمەتىنە 20- قاڭتاردا كىرىسەتىنىن جەتكىزدى. وسىلايشا دونالد ترامپ باستى ساياسي دودادا جەڭىلىسكە ۇشىراعانىن سايلاۋدان كەيىن ەكى اي وتكەن سوڭ عانا مويىنداپ وتىر.
دونالد ترامپ، ا ق ش پرەزيدەنتى:
- مەن كاپيتولييگە جاسالعان سۇمدىق شابۋىلدى ايىپتايمىن. امەريكا - ۇنەمى زاڭ مەن تارتىپكە بەرىك مەملەكەت. كاپيتولييگە باسىپ كىرگەن بۇزاقىلار امەريكالىق دەمكوراتيانى اياققا تاپتادى. ولار ءتيىستى جازاسىن الادى. مەنىڭ كوماندام سايلاۋدىڭ قورىتىندىسىن تەك زاڭدى جولدارمەن قايتا قاراۋعا كۇش سالدى. كونگرەسس سايلاۋدىڭ قورىتىندىسىن بەكىتتى، جاڭا اكىمشىلىك قاڭتاردىڭ 20-سىندا قىزمەتىنە كىرسەدى.
ەسكە سالا كەتەيىك، وتكەن سارسەنبى كۇنى ا ق ش سەناتى مەن وكىلدەر پالاتاسى بىرلەسىپ، بىلتىر قاراشا ايىندا وتكەن پرەزيدەنتتىك سايلاۋدىڭ قورىتىندىسىن جاريالاۋ كەرەك ەدى. الايدا قوس پالاتا وكىلدەرى ماسەلەنى تالقىلاۋعا كىرىسكەن كەزدە ترامپ جاقتاستارى كاپيتولييدەگى كونگرەسكە شابۋىل جاساپ، عيماراتقا باسىپ كىردى. پوليتسيامەن قاقتىعىس بولىپ، 4 ادام قازا تاپتى. ونداعان كىسى جارالانىپ، 60-تان استام بۇزاقى قاماۋعا الىندى.