«وسى جولعى سايلاۋ ناۋقانىندا ءبىز ءۇشىن باستى قىزىعۋشىلىق - بۇل ساياسي ترانزيت قورىتىندىسىن بەكىتۋ. ءىس جۇزىندە جاڭا پارلامەنتتىڭ قالىپتاسۋى قازاقستاننىڭ ساياسي جۇيەسىن قىزمەتتىڭ جاڭا رەجيمىنە شىعارادى. پارلامەنت قۇرامىنىڭ وزگەرۋىمەن ۇكىمەتتى جاساقتاۋ جانە الەۋمەتتىك- ەكونوميكالىق بلوكتىڭ جەتەكشى لاۋازىمدارىنا مينيسترلەردى تاعايىنداۋ ءپرينتسيپى وزگەرەدى. قوعام تاراپىنان دا، نەگىزگى توپتار تاراپىنان دا سايلاۋعا قىزىعۋشىلىق وتە جوعارى. تۇپتەپ كەلگەندە ءبىز ساياسي ويىن ەرەجەسىنىڭ وزگەرۋ تابالدىرىعىندا تۇرمىز. سوندىقتان 2019-2021 -جىلداردىڭ سايلاۋ سيكلىن تۇيىندەيتىن سايلاۋلار ءبىزدىڭ كوزقاراسىمىزشا كوپ ءۇمىت كۇتتىرەدى»، - دەدى ساياساتتانۋشى قازاقستانداعى سايلاۋعا قاتىستى ۇيىمداستىرىلعان دوڭگەلەك ۇستەل وتىرىسىندا.
ونىڭ اتاپ وتۋىنشە، كوروناۆيرۋس پاندەمياسى سالدارىنان ەكونوميكالىق قيىندىقتارعا بايلانىستى الەۋمەتتىك شيەلەنىستىڭ ازداپ وسكەنى بايقالىپ وتىر. دەگەنمەن، ەلىمىزدىڭ ەكونوميكالىق ورنىقتىلىق قورى جوعارى. ياعني، سايلاۋ تسيكلى تۇراقتى احۋالدى ساقتاپ قالا الادى. «قولدانىستاعى بيلىك جۇيەسى اياسىندا بيىل باستاپقى بۋىننىڭ جەرگىلىكتى اكىمشىلىكتەرى باسشىلارىن سايلاۋ جوسپارلانعان. بۇل ءبىز ءۇشىن ءبىرىنشى تاجىريبە سانالادى. وسى جىلى العاش رەت تىكەلەي سايلاۋدى سىننان وتكىزىپ كورۋگە تىرىسامىز»، - دەدى ماكسيم كازناچەيەۆ.
اۆتور: مارلان جيەمباي