بانك كارتانى قانداي جاعدايدا بۇعاتتايدى

بانك كارتانى قانداي جاعدايدا بۇعاتتايدى، ەگەر:

تولەم كارتاسىنىڭ يەسى بانكتىڭ مەنەدجەرىنە ونىڭ جوعالعانى، ۇرلانعانى نەمەسە رۇقساتسىز پايدالانىلعانى تۋرالى حابارلاسا؛

«پلاستيكتى» ۇستاۋشى تولەم كارتاسىن بەرۋ تۋرالى شارتتى ورىنداماسا؛

تاراپتار اراسىنداعى شارتتا كوزدەلگەن، تولەم كارتاسىن پايدالانۋدىڭ ىشكى قۇجاتى ساقتالماسا، تولەم كارتاسىن بۇعاتتاي الادى.

2. تولەم كارتاسىن بۇعاتتاۋ تالاپتارى ونى شىعارۋ تۋرالى شارتتا كەلىسىلەدى. سوندىقتان شارتقا قول قويۋ الدىندا ونىمەن مۇقيات تانىسىپ الۋ قاجەت.

3. زاڭنامادا «كارتا شوتى» دەگەن بولەك ۇعىم جوق. سوندىقتان تولەم كارتاسى ونى ۇستاۋشىنىڭ بانك شوتىنا قولجەتىمدىلىك قۇرالى. كارتانى بۇعاتتاعان جاعدايدا كليەنت شوتىن بانككە ءوتىنىش جاساعان كەزدە اشىلادى.

4. «تولەمدەر تۋرالى» زاڭنىڭ 27-بابىنا سايكەس كليەنتتىڭ بانك شوتىنا شەكتەۋ قويىلۋى مۇمكىن. شىعىس وپەراتسيالارىن جۇرگىزۋگە شەكتەۋ: ۋاكىلەتتى مەملەكەتتىك ورگانداردىڭ نەمەسە لاۋازىمدى تۇلعالاردىڭ وكىمدەرىنىڭ نەگىزىندە (سالىقتار تولەمەۋ؛ تەرگەۋ جۇمىستارىنىڭ جۇرگىزىلۋى؛ الاياقتىق وپەراتسيالارعا كۇدىكتىڭ بولۋى)؛ سوت اكتىلەرىنىڭ جانە سوت ورىنداۋشىلارىنىڭ پروكۋرور سانكسيالاعان قاۋلىلارىنىڭ نەگىزىندە؛ ق ر قارجىمينىنىڭ قارجى مونيتورينگى كوميتەتىنىڭ تەرروريزم مەن ەكسترەميزمدى قارجىلاندىرۋعا بايلانىستى ۇيىمدار مەن تۇلعالاردىڭ تىزبەسىنە ەنگىزىلگەن ۇيىمدار جانە جەكە تۇلعالار تۋرالى اقپاراتىنىڭ نەگىزىندە قويىلۋى مۇمكىن.