ايماقتىڭ باس دارىگەرى مارات پاشيموۆ وڭىردەگى ەپيدەميولوگيالىق جاعدايدىڭ تۇراقتالۋىنا سۇبەلى ۇلەس قوسقان اق حالاتتىلارعا العىس ايتىپ، قۋانىشىمەن قۇتتىقتادى.
سالتاناتتى شارادا وبلىستىق كلينيكالىق اۋرۋحاناسىنىڭ دارىگەرى ۆياچەسلاۆ سوي - ۇزدىك دارىگەر، تۇركىستان قالالىق ورتالىق اۋرۋحاناسىنىڭ مەيىربيكەسى ەلميرا سەيىتوۆا - ۇزدىك مەيىربيكە اتاندى. ال، №1-وبلىستىق پەريناتالدىق ورتالىعى - ۇزدىك مەديتسينا مەكەمەسى دەپ تانىلدى.
«الەمدى ابىگەرگە سالعان كوروناۆيرۋس اۋرۋى ەلىمىزگە دە كوپ قاتەر تۋدىردى. وتكەن جىل جالپى حالىققا اۋىر بولعانى بەلگىلى، اسىرەسە دەنساۋلىق ساقتاۋ سالاسىنىڭ قىزمەتكەرلەرىنە قيىن بولدى. وسى قيىندىقتى ەل بولىپ جەڭە بىلدىك. بۇل مەنىڭ عانا ماراپاتىم ەمەس، بارلىق ارىپتەستەرىمە كورسەتىلگەن قۇرمەت دەپ بىلەمىن. وسى ءبىر ەڭبەگىمىزدى ەلەپ، مەيرەيىمىزدى اسىرىپ وتىرعان قوعامدىق دەنساۋلىق باسقارماسىنا مول العىس ايتقىم كەلەدى. ەندى مۇنداي جايسىز جاعدايلار بولماسا ەكەن دەپ تىلەيمىن»، - دەيدى تۇركىستان قالالىق ورتالىق اۋرۋحاناسىنىڭ مەيىربيكەسى ە. سەيىلحان قىزى.
ايتا كەتەيىك، وڭىردە دەنساۋلىق ساقتاۋ سالاسىندا جالپى 23585 مامان جۇمىس ىستەيدى. قازىرگى تاڭدا وبلىستا 88 ناۋقاس كوروناۆيرۋس اۋرۋىنا بايلانىستى ەم قابىلداۋدا.