«وسى اپتادا قىتايدا جاپپاي ۆاكسيناتسيالاۋ ناۋقانى جۇرگىزىلۋدە. ەل بيلىگى قىتاي جاڭا جىل مەرەكەسى باستالعانعا دەيىن ميلليونداعان ادامعا ەكپە ەگۋدى جوسپارلاپ وتىر. ۆاكتسيناتسيانىڭ العاشقى ەكى كۇنىندە بەيجىڭدە پرەپاراتتىڭ العاشقى دوزاسىن 73 مىڭنان استام ادام العان. قىتاي استاناسىندا بۇل ءۇشىن كەزەك پايدا بولعان. ەكپەلەر الدىمەن اۆتوبۋس جۇرگىزۋشىلەرى مەن الەۋمەتتىك قىزمەتكەرلەرگە جاسالىپ جاتىر»، - دەلىنگەن اقپاراتتا.
ال انگليادا كوروناۆيرۋستىڭ جاڭا، وتە جۇقپالى شتاممىنىڭ تەز تارالۋىنىڭ كەسىرىنەن ەپيدەميولوگيالىق احۋال ناشارلاپ، ەل اۋماعىندا قاتاڭ شەكتەۋ شارالارى ەنگىزىلدى. دۇيسەنبى كۇنى بريتانيادا كوروناۆيرۋس ينفەكسياسىن جۇقتىرعان 58 مىڭنان استام جاڭا جاعداي تىركەلدى، 407 ادام قايتىس بولدى. شوتلانديادا 5 - قاڭتاردان باستاپ قاتاڭ كارانتين ەنگىزىلدى. ونى تۇرعىندار زاڭ بويىنشا ساقتاۋعا مىندەتتى. اسا قاجەت بولماعان جاعدايدا ۇيدەن شىعۋعا تىيىم سالىنعان. مەكتەپتەر اقپان ايىنا دەيىن جابىق بولادى.
جاپونيا بيلىگى بولسا جاپپاي ۆاكسيناتسيا قالىپتى رەجيمگە ورالۋعا جانە جازعى وليمپيادا ويىندارىن وتكىزۋگە مۇمكىندىك بەرەتىنىنە ءۇمىتتى. ءبىراق ازىرگە ەل استاناسىندا كوروناۆيرۋس تەز تارالۋدا جانە قالادا توتەنشە جاعداي جاريالانۋى مۇمكىن. 2020 -جىلدىڭ 31 - جەلتوقسانىندا جاپونيادا كوروناۆيرۋس ينفەكسياسىن جۇقتىرۋدىڭ تاۋلىكتىك ءوسىمى رەكوردتىق دەڭگەيدى كورسەتتى - 4520 جاعداي، ال جەكسەنبى كۇنى - 3158 ناۋقاس تىركەلدى.