ءبىراق، بەلگىلى بولعانداي، ءبىزدىڭ ايگىلى تۇقىمنىڭ ءالى دە گەنەتيكالىق ستاندارتى جوق. بۇل تۋرالى پارلامەنت ءماجىلىسىنىڭ دەپۋتاتتىعىنا كانديدات رابيعا توقسەيىتوۆا فەيسبۋكتەگى پاراقشاسىندا حابارلادى.
سايلاۋالدى كەزدەسۋلەر بارىسىندا ول شىعىس قازاقستان وبلىسى، جارما اۋدانىنداعى قازاقتىڭ اقباس ءىرى قارا تۇقىمىن وسىرۋمەن اينالىساتىن «شالاباي» اسىل تۇقىمدى شارۋاشىلىعىندا بولدى. 80 جىلدىق باي تاريحى بار كاسىپورىن قازىرگى زامانعى جانە قازاقستاننىڭ ەڭ ءىرى اسىل تۇقىمدى شارۋاشىلىقتارىنىڭ ءبىرى بولىپ تابىلادى. شارۋا قوجالىعى ۇزاق جىلدار بويى گەنەتيكانى جانە مال ونىمدىلىگىن جاقسارتۋ ءۇشىن تىنىمسىز ەڭبەك ەتىپ كەلەدى. بۇگىندە مۇندا بۇقالاردىڭ اسىل تۇقىمدىق ساپاسىن سۇرىپتاۋدىڭ زاماناۋي جۇيەسى قولدانىلادى، گەنەتيكالىق الەۋەتكە سايكەستىگىن باعالاۋ زەرتحاناسى سالىنۋدا.
مالدى باعالاۋ اۆتوماتتى تۇردە جۇزەگە اسىرىلادى، ال جينالعان اقپارات قازاقستاندىق ارىپتەستەرگە العاش رەت قازاقتىڭ اقباس سيىرى تۇقىمىنىڭ ستاندارتىن جاساۋعا كومەكتەسەتىن كانادالىق گەنەتيكالىق ورتالىققا جىبەرىلەدى. ول اسىل تۇقىمنىڭ ساپاسى مەن ۇرپاعىن باعالاۋدىڭ نەگىزى بولادى.
««شالاباي» اۋىلىندا وتكەن كەزدەسۋدە «اۋىل» پارتياسىنىڭ سايلاۋالدى باعدارلاماسىنىڭ باستى باعىتتارىن تانىستىردىق. اۋىل تۇرعىندارىنىڭ ءومىر ءسۇرۋ جاعدايىن جاقسارتۋعا باعىتتالعان باعدارلامانى قولداسا ازاماتتاردى 2021 -جىلعى قاڭتاردا وتەتىن پارلامەنت ءماجىلىسى سايلاۋىندا «اۋىلعا» داۋىس بەرۋگە شاقىردىق»، - دەدى رابيعا توقسەيىتوۆا.
كەزدەسۋ قورىتىندىسى بويىنشا سايلاۋشىلار اۋىلدى جەردەگى ءومىر ءسۇرۋ جاعدايلارىن جاقسارتۋ بويىنشا ءبىرقاتار ۇسىنىستارىن ايتتى جانە ونى سايلاۋدا جەڭىسكە جەتىپ جاتساق پارلامەنت قابىرعاسىندا كوتەرۋىمىزدى سۇرادى.
«تۇرعىنداردىڭ «بالالار كاپيتالىن» قۇرۋ يدەياسىن ەرەكشە اتاپ وتكىم كەلەدى. شالابايلىقتار مەملەكەت جاردەماقى تولەۋدىڭ ورنىنا ازاماتتاردىڭ دۇنيەگە كەلگەن كەزدە ارنايى جيناق شوتتارىن اشىپ، قاراجاتقا 18 جاسقا تولعان كەزدە عانا قول جەتكىزۋدى ۇسىندى. ءبىر جاعىنان، بۇل جاستارعا ءۇي ساتىپ الۋعا، بيزنەس اشۋعا، وقۋىن جالعاستىرۋعا نەمەسە جەكە قوسالقى شارۋاشىلىق الۋعا مۇمكىندىك بەرەدى. ەكىنشى جاعىنان، بۇل شارا ماسىلدىقتى ازايتادى جانە اتا-انالاردى وندىرىستە نەمەسە جەكە قوسالقى شارۋاشىلىقتا جۇمىس ىستەۋگە ىنتالاندىرادى»، - دەيدى ر. توقسەيىتوۆا.