ق ر پرەزيدەنتى قاسىم-جومارت توقايەۆتىڭ تاپسىرماسىمەن ءبىلىم بەرۋ سالاسىن باسقارۋ جۇيەسىن وزگەرتەتىن ءتيىستى زاڭ قابىلداندى. ەندى 2021 -جىلدان باستاپ اۋداندىق جانە قالالىق ءبىلىم بەرۋ بولىمدەرىن قارجىلاندىرۋ جانە باسقارۋ قۇزىرەتى وبلىستىق ءبىلىم بەرۋ باسقارمالارىنا بەرىلەدى، ياعني بۇل مەكتەپتەر مەن بالاباقشالارعا دا قاتىستى.
بۇل - جالپى ءبىلىم بەرۋ سالاسى ءۇشىن وتە ماڭىزدى قادام. جاڭا جۇيەگە قاتىستى پىكىر بىلدىرگەن ق ر ءبىلىم جانە عىلىم ءمينيسترى اسحات ايماعامبەتوۆتىڭ ايتۋىنشا، بۇعان دەيىن ءبىلىم باسقارمالارى اكىمدىكتەرگە باعىناتىن مەكتەپتەر مەن بالاباقشالارعا ءىس جۇزىندە اسەر ەتە المايدى. ال ءبىلىم جانە عىلىم مينيسترلىگى ءوز كەزەگىندە ولارعا تەك جاناما تۇردە، مەملەكەتتىك جالپىعا مىندەتتى ءبىلىم بەرۋ ستاندارتى، وقۋ باعدارلامالارى مەن ن ق ا ارقىلى ىقپال ەتە الادى.
«سوندىقتان ەندى مەكتەپتەر مەن بالاباقشالار وبلىستا ءبىر ورتالىقتان عانا باسقارىلسا، قارجىلاندىرۋدى تەڭەستىرۋ جانە ارتتىرۋ ماسەلەلەرى كەشەندى تۇردە شەشىلەدى. بۇل شاعىن بيۋدجەتى تەك ەڭبەكاقى تولەۋ قورىنا عانا جەتەتىن اۋداندار ءۇشىن دە وتە قولايلى بولادى. بۇل - جاقىن ارادا جۇيەمىزدى الدەقايدا ءتيىمدى ەتەتىن ءبىلىم بەرۋ سالاسىنداعى قاجەت شەشىم»، - دەگەن ەدى مينيستر.
اۆتور: مارلان جيەمباي