ونى كۇتەتىن، قارسى الۋدى قالايتىندار كوپ. مەرەكەنىڭ الەمدە تانىمال بولعانى سونشا - ءار ەل ونى ءارتۇرلى قارسى الۋدى ادەت قىلعان. سوعان ساي داستارحان جايۋ مەن تاماق ازىرلەۋدى وزىندىك داستۇرگە اينالدىرعان.
ا ق ش تۇرعىندارى اسبۇرشاق پەن بۇرشاقتان دايىندالعان تاعام ىشەدى. امەريكا ەلى اسبۇرشاقتى اقشا شاقىرۋشى بەلگى سانايدى.
ال يزرايلدە جاڭا جىلدىق داستارحانعا تۇزدى، اشى جانە قىشقىل تاعامداردى قويۋعا بولمايدى. ەۆرەي حالقى جاڭا جىلدا ءبىر-بىرىنە ءتاتتى تىلەك پەن تاعام ارناعاندى قۇپ كورەدى. ونىڭ ورنىنا بالىقتان، سويىلعان قويدىڭ باس سۇيەگىنەن ىستىق اس ازىرلەپ، الما مەن بالدان ءتاتتى تاعام، قىزىلشا مەن باسقا دا كوكونىستەردەن سالات دايىنداپ جەيدى.
پولشا تۇرعىندارى جاڭا جىل ءتۇنى داستارحان ۇستىندە 12 ءتۇرلى تاعام تۇرۋى كەرەك دەپ ىرىمدايدى. ءبىراق ونىڭ ءبىر دە ءبىرى ەت جاسالماعانىن ءجون سانايدى. ونىڭ ورنىنا بالىقتىڭ ەتىن قولدانادى. سونداي-اق، ساڭىراۋقۇلاقتان سورپا، المادان وراما، ارپا مەن قارا ورىكتى قوسىپ بوتقا دايىنداپ جەيدى. نەمىستەر دە، پولياكتار دا جاڭا جىل ءتۇنى مايشاباق جەسە، كەلەر جىل ءساتتى بولادى دەپ سەنەدى.
ال اۆستريا، ۆەنگريا مەن شىعىس سلاۆيان ەلدەرى جاڭا جىل ءتۇنى قۇس ەتىنەن جاسالعان تاماق جەسە، ۇيگە قونعان باقىت ۇشىپ كەتپەيدى دەپ سەنەتىن كورىنەدى.
يسپانيا، پورتۋگاليا مەن كۋبا ارالىنداعى ەلدەر ءجۇزىمدى بايلىق پەن باق-داۋلەتتىڭ بەلگىسى سانايدى. سوندىقتان جاڭا جىل ءتۇنى تىقىلداعان ساعات تىلىنە قاراپ، ءاربىر تىقىلدى ساناپ، 12 دانا ءجۇزىم جەۋى قاجەت. ءارى جەي وتىرىپ، تىلەك تىلەيدى.
تيبەت تۇرعىندارى جاڭا جىلعا تاياۋ مول ءبالىش ءپىسىرىپ، ەل-جۇرتقا تاراتادى. بارىنشا كوپ ادامعا تاراتساڭ، سونشالىقتى باقىتتى بولاسىڭ دەپ سەنەدى.
يتالياندار جاڭا جىلدا كەڭ داستارحان جايۋعا تىرىسادى. ىستالعان، تۇزدالعان بالىق ەتىن، تريۋفەل، ترەسكا، پاننەتونە (كۇلەش نان)، ءجۇزىم قويادى. بۇرشاق پەن جاسىمىقتان ىستىق تاعام دايىندايدى.
جاپوندار جاڭا جىلدا تەڭىز قىرىققاباتىن، اسىلعان بالىق ەتىن، ۋىلدىرىق، كاشتان اعاشىنىڭ جەمىسىن قويادى. ءبىراق جاپونيادا اسىپ-تاسىپ داستارحان جايۋ جوق. اركىم جەكە قالىپ، تىلەك تىلەيدى.
ال اۆستراليا تۇرعىندارى جاڭا جىلدى جىلى جەردە قارسى الادى، سوندىقتان جاعالاۋدا باربەكيۋ ءپىسىرىپ، جاسىل وسىمدىكتەردەن سالات ازىرلەيدى. قۇلپىنايدان دەسەرت دايىنداپ جەۋدى ۇناتادى.
massaget.kz