بۇل تۋرالى اسسوشيەيتەد پرەسس (AP) اگەنتتىگىنىڭ تەرگەۋىندە ايتىلعان، - دەپ حابارلايدى ر ي ا نوۆوستي.
اگەنتتىك مالىمەتىنشە، تەرگەۋ عالىمدار مەن شەنەۋنىكتەردىڭ سۇحباتى، ەلەكترون حاتتار، ىشكى جانە جاريا قۇجاتتارعا نەگىزدەلىپ جاسالعان.
«كوروناۆيرۋس جۇقتىرعان العاشقى ادام تۋرالى اقپارات تاراعاننان كەيىن AP تەرگەۋى قىتايلىق بيلىك ونىڭ شىعۋى تۋرالى بارلىق زەرتتەۋدى باقىلاۋدا ۇستاپ وتىرعانىن، ولاردىڭ كەيبىرەۋى قىتايدان تىس جەردە پايدا بولۋى مۇمكىن دەگەن بالاما تەوريالاردى بەلسەندى تۇردە تاراتقانىن انىقتاعان»، - دەلىنگەن اگەنتتىك حابارلاماسىندا.
اگەنتتىك مالىمەتىنشە، ەل ۇكىمەتى قىتايدىڭ وڭتۇستىگىندە پايدا بولعان ۆيرۋسپەن اينالىسىپ جاتقان عالىمدارعا مىڭداعان دوللارلىق گرانت بولگەن جانە ولاردى باقىلاۋدا ۇستاپ، بارلىق مالىمەت ارنايى توپ رۇقسات بەرگەننەن كەيىن عانا جاريالاۋدى تالاپ ەتەدى. ال ونى ق ح ر باسشىسى شي جينپيڭنەن بۇيرىق الاتىن ەل ۇكىمەتى باسقارىپ وتىرعان كورىنەدى.
ال Meduza اگەنتتىك قىتاي باقىلاۋىندا جارقاناتتار جۇرگەن ەلدىڭ وڭتۇستىگىندەگى يۋننان پروۆينتسياسىنداعى ۇڭگىرلەر دە بارىن ايتادى.
AP تىلشىلەرى يۋننانداعى ۇڭگىرلەرگە كىرە الماعان: ول جەرگە جۋرناليستەردى ق ح ر مەملەكەتتىك قاۋىپسىزدىك اگەنتتەرى كىرگىزبەي قويعان.
اسىرەسە جارقاناتتار جۇرگەن قاراۋسىز قالعان شاحتا دا قاتاڭ باقىلاۋدا ەكەن، سەبەبى 2013-جىلى ول جەردەن RaTG13 ۆيرۋسى انىقتالعان. بۇل SARS- CoV-2 ءنىڭ جاقىن گەنەتيكالىق «تۋىسى».
كوروناۆيرۋستىڭ پايدا بولۋىن زەرتتەۋمەن اينالىساتىن قىتايدىڭ عىلىم جانە تەحنولوگيالار مينيسترلىگى مەن ۇلتتىق دەنساۋلىق ساقتاۋ كوميسسياسى اگەنتتىك جۋرناليستەرىنە تۇسىنىكتەمە بەرمەگەن. ق ح ر س ءى م AP سۇراۋىنا جاۋاپ رەتىندە كوروناۆيرۋس الەمنىڭ كوپتەگەن ەلىندە انىقتالعانىن، ال پروبلەمالاردى زەرتتەۋمەن «جاھاندىق دەڭگەيدە» اينالىسۋ كەرەك ەكەنىن ايتقان.