ۆەتەريناريا سالاسىن اۆتوماتتاندىرۋعا باعىتتالعان زاڭ جوباسىن بۇگىن پارلامەنتتىڭ جوعارى پالاتاسى ەكىنشى وقىلىمدا قابىلدادى. زاڭ جوباسىندا قارالىپ وتىرعان ماسەلەلەر مەملەكەتتىك ۆەتەريناريالى- سانيتاريالىق ينسپەكتورلارعا باقىلاۋ جانە قاداعالاۋ جۇرگىزۋ كەزىندە تەحنيكالىق قۇرالدارىن پايدالانۋ قۇقىعىن ىسكە اسىرادى. سونداي- اق ەۋرازيالىق ەكونوميكالىق وداق شەكاراسىندا كەدەن ورگاندارى مەن ۆەتەريناريالىق ينسپەكتورلاردىڭ ءوزارا ءىس- قيمىل جاساۋ ءتارتىبىن ايقىندايدى.
مۇحتار جۇماعازيەۆ، ق ر پارلامەنتى سەناتىنىڭ دەپۋتاتى:
- بۇل بىرىنشىدەن مال يەسىنە جەڭىل بولادى. ول قۇجاتتاردىڭ ءبارىن ارقالاپ ءجۇرۋ كەرەگى جوق. ەكىنشىدەن، اۋىلشارۋاشىلىق سالاسىندا ىستەپ جۇرگەن، سونىڭ ەسەبىن جۇرگىزىپ جۇرگەن ماماندارعا جەڭىل بولادى. جانە ۆەتەريناريالىق ماماندارعا بۇكىل اقپاراتتى قاعاز جۇزىندە جۇرگىزبەي قازىر ەلەكتروندى تۇردە سوعان كىرگىزىپ قويادى. ول كەز كەلگەن ۋاقىتتا سول ەلەكتروندى جۇيەگە كىرەتىن رۇقساتى بولعان ادام قاي ۋاقىتتا بولسا دا كىرىپ قاراۋعا بولادى. ول قاي ۋاقىتتا قانداي ەكپە جۇمىسىن جۇرگىزدى. قاي ۋاقىتتا ۆاكسيناسىن جاسادى. ونىڭ مالىنىڭ سىرعاسىنداعى نومىرىنە دەيىن.
www.24.kz