فۋتزالدان قازاقستان قۇراماسى الەمدىك رەيتيىنگتىڭ ۇزدىك بەستىگىنە ەندى

نۇر-سۇلتان. قازاقپارات - فۋتزالدان قازاقستان قۇراماسى ۋ ە ف ا رەيتينگىندە ءتورتىنشى ورىنعا يە بولدى، دەپ حابارلايدى قازاقپارات ءتىلشىسى ۋ ە ف ا- نىڭ رەسمي سايتىنا سىلتەمە جاساپ.

فۋتزالدان ۇلتتىق قۇرامالاردىڭ رەيتينگىندە قازاقستاندىقتار 2097 ۇپاي ەنشىلەدى. ەل قۇراماسى ءۇشىنشى ورىنداعى رەسەيدەن نەبارى 1 ۇپايعا قالىپ تۇر.

قازاقستان بۇل كورسەتكىشىن ودان ءارى جاقسارتا الادى. ويتكەنى فۋتشال شەبەرلەرى 2020-جىلعى الەم چەمپيوناتىنىڭ ەليتالىق كەزەڭىنە قاتىسادى. قازاقستان قۇراماسى «D» توبىندا رۋمىنيا، سلوۆەنيا جانە چەحيامەن وينايدى.

كەزدەسۋلەر 2020-جىلدىڭ 2-5- اقپانىندا چەحيانىڭ برنو قالاسىندا وتەدى.

جالپى، الەمدىك رەيتينگتە يسپانيا كوش باستاپ تۇرسا (2209)، ەكىنشى ورىندا - پورتۋگاليا (2116) قۇراماسى.

ايتا كەتەيىك، قازاقستان قۇراماسى 2002-جىلعا دەيىن ازيا فۋتبول كونفەدەراتسياسىندا ونەر كورسەتسە، ودان بەرى قاراي ۋ ە ف ا ساپىندا وينايدى. ەۋروپا چەمپيوناتتارىنا بەس رەت جولداما الدى.

ۋ ە ف ا فۋتزال قۇرامالارىنىڭ رەيتينگى:

1. يسپانيا-2209,692 ۇپاي.

2. پورتۋگاليا-2116,631.

3. رەسەي - 2098,095.

4. قازاقستان - 2097,180.

5. سەربيا - 2007,570.